6 красавіка ў Беларускім дзяржаўным тэхналагічным універсітэце адбыўся семінар-трэнінг “Рэсурсы віртуальнай чытальнай залы Нацыянальнай бібліятэкі Беларусі для інфармацыйнага забеспячэння навуковай супольнасці”.
Семінар быў арганізаваны Нацыянальнай бібліятэкай Беларусі сумесна з кампаніяй “EBSCO Information Services” – адным з вядучых агрэгатараў навуковых электронных інфармацыйных рэсурсаў.
У ходзе семінара спецыялісты аддзела карпаратыўнага ўзаемадзеяння Нацыянальнай бібліятэкі Беларусі Марына Рудакоўская і Руслан Доўгі пазнаёмілі ўдзельнікаў з рэпертуарам і магчымасцямі выкарыстання баз даных, прапанаваных да падпіскі праз віртуальную чытальную залу ў 2017 годзе.
Дырэктар па рэгіянальным развіцці ў Расіі, Беларусі і Малдове кампаніі “EBSCO Information Services” Андрэй Сакалоў прадставіў слухачам агляд зместу пакета баз даных EBSCO Premier, функцыянальныя магчымасці платформы EBSCOhost, а таксама алгарытмы і асаблівасці інфармацыйнага пошуку ў базах даных.