25 кастрычніка адбыўся семінар-трэнінг “Рэсурсы віртуальнай чытальнай залы Нацыянальнай бібліятэкі Беларусі ў інфармацыйным забеспячэнні навукова-даследчай і вучэбнай дзейнасці”.
Мерапрыемства, якое прайшло ў Рэспубліканскай навукова-тэхнічнай бібліятэцы, было арганізавана Нацыянальнай бібліятэкай Беларусі разам з кампаніяй EBSCO Information Services.
Удзельнікам былі прадстаўлены змест і функцыянальныя магчымасці электронных рэсурсаў віртуальнай чытальнай залы, прапанаваныя для інфармацыйнага забеспячэння навукова-тэхнічнай дзейнасці.
Дырэктар па рэгіянальным развіцці ў Расіі, Беларусі і Малодове кампаніі EBSCO Information Services Андрэй Сакалоў і трэнер па рабоце з інфармацыйнымі рэсурсамі EBSCO ў Расіі і краінах СНД Таміла Міркамалава правялі прэзентацыю і трэнінг па рабоце з базамі даных EBSCO на платформе EBSCOhost, пазнаёмілі ўдзельнікаў з алгарытмамі і асаблівасцямі інфармацыйнага пошуку па праблематыцы навукова-тэхнічнай сферы.
 |
 |
 |
