ГалоўнаяНавіныНавіны Нацыянальнай бібліятэкі Беларусі
Пра віртуальныя сэрвісы, даступныя з дому, – у эфіры тэлеканала СТВ
9 красавіка 1945 года. 30 дзён да Перамогі

Шаноўныя карыстальнікі!

Шаноўныя карыстальнікі!
Іншыя навіны

Шаноўныя карыстальнікі!

У адпаведнасці з рашэннем Мінгарвыканкама ад 7.04.2020 № 1069  Нацыянальная бібліятэка спыняе абслугоўванне праз сістэму чытальных залаў.

Віртуальныя сэрвісы даўно і надзейна служаць карыстальнікам Нацыянальнай бібліятэкі. Прапануем скарыстаць з рэсурсаў і паслуг анлайн.

Віртуальныя даведачныя службы “Спытай бібліятэкара”, “КАРУНБ: міжнародная віртуальная даведачная служба” і “Віртуальны цэнтр прававой інфармацыі”. А праз “Віртуальны цэнтр па дзейнасці міжнародных арганізацый” адкрыты свабодны доступ да інтэрнет-рэсурсаў міжнародных арганізацый і іх дакументаў.

Даступны анлайн і электронныя інфармацыйныя рэсурсы: Нацыянальнай бібліятэкі, зводныя рэсурсы бібліятэк Беларусі, ліцэнзійныя базы даных сусветных вытворцаў.

Незалежна ад месцазнаходжання і часу сутак прадастаўлена магчымасць пошуку ў Электронным каталогу НББ патрэбных матэрыялаў і атрымання іх тэкстаў з баз даных, раней даступных толькі ў будынку бібліятэкі, адкрытых на час каранавіруснай пандэміі.

Шэраг аўтарытэтных сусветных выдавецтваў (Elsevier, Wiley, Cambridge University Press, Oxford University Press і інш.) прадаставіў свае рэсурсы на час эпідэміі для бясплатнага доступу ў дапамогу навуковай дзейнасці і дыстанцыйнай адукацыі.

Можна скарыстацца раздзелам “Рэсурсы адкрытага доступу”, які ўключае каля 300 баз даных з навуковымі публікацыямі па ўсіх галінах ведаў.

Вэб-навігатар “Беларусь у інфармацыйнай прасторы” прадастаўляе кароткую інфармацыю і спасылкі на самыя аўтарытэтныя айчынныя інфармацыйныя рэсурсы, якія адлюстроўваюць эканамічную, культурную і прыродную разнастайнасць нашай краіны.

Звяртаем увагу таксама на віртуальны праект “100 дзён да Вялікай Перамогі. Па старонках беларускіх газет 1945 г.”, які дазваляе дзень за днём прасачыць за ваенным і мірным жыццём напярэдадні заканчэння Вялікай Айчыннай вайны.

Аддалена даступны і платныя паслугі. Служба “Электронная дастаўка дакументаў” прадастаўляе магчымасць замовіць лічбавыя копіі фрагментаў дакументаў з фондаў Нацыянальнай бібліятэкі Беларусі. Пры дапамозе сервіса “Складанне спіса літаратуры па тэме” можна замовіць прафесіянальны пошук літаратуры ў адпаведнасці з зададзенымі параметрамі. А сэрвіс “Рэдагаванне бібліяграфічнага спіса да навуковай работы” дазваляе аддалена аформіць заказ і атрымаць адрэдагаваны спіс на электронную пошту. Гатовыя тэксты дысертацый, курсавых і дыпломных работ, рэфератаў, артыкулаў можна аддалена праверыць на арыгінальнасць пра дапамозе сэрвісу “Праверка тэкставых дакументаў на наяўнасць запазычанняў”. Таксама магчыма атрымаць дапамогу спецыялістаў у індэксіраванні дакументаў і вызначэнні публікацыйнай актыўнасці аўтара або арганізацыі.

Прайсціся па чытальных залах ці зазірнуць у кнігасховішча, не выходзячы з дому? Так, гэта магчыма! Віртуальныя экскурсіі пазнаёмяць з архітэктурнымі асаблівасцямі і дзейнасцю бібліятэкі, варта толькі скарыцца відэапрэзентацыяй або віртуальным турам. А матэрыялы ад экскурсій з цыкла “Славутыя імёны Бацькаўшчыны” распавядуць пра жыццё і творчасць Янкі Купалы, Якуба Коласа, Янкі Маўра, Уладзіміра Караткевіча: прэзентацыі і віктарына па творах аўтараў можна спампаваць на партале бібліятэкі. З віртуальнымі праектамі і выставамі карыстальнікі могуць пазнаёміцца ў любы час сутак. На віртуальных стэндах – кнігі, газеты, рэпрадукцыі, карткі, плакаты, аўдыязапісы і многае іншае.

Віртуальныя сэрвісы Нацыянальнай бібліятэкі – гэта эканомія часу і сіл, якасная і аўтарытэтная інфармацыя ў сябе дома.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111