22 верасня вучні 2 “А” класа сярэдняй школы № 105 Маскоўскага раёна сталіцы наведалі заняткі “Бібліятэка – дом, дзе жывуць кнігі”.
Дзеці пазнаёміліся з будынкам самай вялікай бібліятэчнай установы краіны і даведаліся як тут арганізавана жыццё кніг. Асаблівую ўвагу надалі выстаўцы “Францыск Скарына і яго эпоха”, дзе экспануюцца арыгінальныя кніжныя помнікі.
Юныя наведвальнікі пазнаёміліся з “доўгажыхарамі” кніжнай культуры, якія перасягнулі 500-гадовую мяжу. Выстаўка з’яўляецца яркай падзеяй у рамках святкавання 500-годдзя беларускай друкаванай кнігі і адлюстроўвае значнасць спадчыны Ф. Скарыны, яго папярэднікаў і паслядоўнікаў у нацыянальным і еўрапейскім маштабах.
Запрашаем школьнікаў на тэматычныя заняткі на міжнароднай выстаўцы “Францыск Скарына і яго эпоха”.
Кантактная інфармацыя:
Таццяна Андрэеўна Сапега, каардынатар праграмы,
тэлефоны: (8 017) 293 27 82, (8 025) 994 21 12.