ГалоўнаяНавіныНавіны Нацыянальнай бібліятэкі Беларусі
Бібліятэка як феномен культуры: адкрыўся штогадовы міжнародны кангрэс
Колькі гадоў беларускай мове? Факты і міфы

Скарыназнаўства ў Францыі

Скарыназнаўства ў Францыі
Іншыя навіны

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Скарыназнаўства, даследаванне спадчыны Францыска Скарыны, налічвае больш за 6 000 публікацый, але намаганні вучоных часта застаюцца падзеленыя геаграфічнымі, дысцыплінарнымі межамі і стэрэатыпамі. Лабараторыя скарыназнаўства дае ўнікальную платформу для публікацыі і каардынацыі даследаванняў, аб’ядноўвае навукоўцаў, якія цікавяцца жыццём і творчасцю Францыска Скарыны і беларускімi даследаваннямі ў цэлым, з мэтай абмену ідэямі, праектамі і дасягненнямі.

На пасяджэнні круглага стала Вольга Шутава прадставіць даклад “Інтэлектуальны пейзаж Бібліі Скарыны: кантэкст, персаналіі, тэмы і ўплывы”. Удзельнікі круглага стала дазнаюцца таксама пра канцэпцыю і актуальную дзейнасць Лабараторыі скарыназнаўства, абмяркуюць праблемныя моманты ў развіцці кнігазнаўства і перспектыўныя сумесныя праекты. Фармат мерапрыемства прадугледжвае дыскусію, абмен думкамі і вопытам.

Пасяджэнне адбудзецца ў Нацыянальнай бібліятэцы Беларусі. Аднак з улікам эпідэміялагічнай сітуацыі прадугледжаны жывы эфір круглага стала на канале YouTube па адрасе https://youtu.be/_hhqPdhypsI. Падчас трансляцыі можна будзе не толькі сачыць за дыскусіяй у рэжыме рэальнага часу, а таксама задаваць пытанні і каментаваць выступленні.

Запрашаем да ўдзелу даследчыкаў, спецыялістаў бібліятэк і ўсіх неабыякавых да нашай мінуўшчыны, зацікаўленых у вывучэнні гісторыі ідэй і кніжных традыцый Беларусі.

Дата: 23 кастрычніка.
Пачатак: а 11-й гадзіне.
Адрас трансляцыі мерапрыемства: https://youtu.be/_hhqPdhypsI.

Тэлефоны для даведак: (8 044) 579 39 07, (8 017) 293 27 82, (8 017) 293 27 81.

Матэрыял пададзены навукова-даследчым аддзелам кнігазнаўства.

Навіны

Як зберагчы кнігі?

2 Сне 2020

Усе мы любім чытаць у доўгія зімовыя вечары. Тамы Тургенева, Пушкіна і Дастаеўскага напэўна туляцца на паліцах хатніх бібліятэк, чакаючы сваёй гадзіны. І вось, шурпатая вокладка, пах старой паперы і... аселы пыл, які псуе ўвесь настрой.

Навіны Нацыянальнай бібліятэкі Беларусі

Вынікі анлайн-конкурсу чытальнікаў “О, Беларусь, мая шыпшына”

2 Сне 2020

У рамках праекта “На хвалі часу, у плыні жыцця” Нацыянальная бібліятэка Беларусі сумесна з інфармацыйнымі партнёрамі – часопісамі “Маладосць” і “Бярозка” з 1 кастрычніка па 15 лістапада праводзіла конкурс “О, Беларусь, мая шыпшына”, які быў прымеркаваны да 120-годдзя Уладзіміра Дубоўкі.

Да 100-годдзя літаб'яднання "Маладняк"

Рэсурсы віртуальнай чытальнай залы НББ – для інклюзіўнай адукацыі

1 Сне 2020

1 снежня ў межах мерапрыемстваў віртуальнай чытальнай залы Нацыянальнай бібліятэкі Беларусі адбылася прэзентацыя ліцэнзійных электронных інфармацыйных рэсурсаў (ЭІР) і спецыяльных распрацовак для забеспячэння інфармацыйных патрэб людзей з паслабленым зрокам і невідушчых людзей.

Навіны Нацыянальнай бібліятэкі Беларусі

Чаму кнігі такой формы (не, усё не так проста)

1 Сне 2020

Прызнаемся шчыра: мы ў захапленні ад кніг. Але ці задумваліся вы хоць раз, чаму яны выглядаюць менавіта так? І кішэнныя кніжкі памерам з кляновы лісток, і велізарныя слоўнікі, якія вы ледзь утрымліваеце ў руках, амаль заўсёды маюць адну і тую ж форму – прамавугольнік, прычым амаль адных і тых жа прапорцый. Дык у чым справа? У сучасным друку ці ж у нас саміх? Пачынаем расследаванне!

Аўтарскі погляд

27 Ліс 2020

У Оршы – родным горадзе Уладзіміра Караткевіча – да 90-годдзя з дня яго нараджэння намалявалі мурал у гонар літаратара. Вялікі партрэт класіка ўпрыгожыў жылы дом на рагу вуліц Уладзіміра Караткевіча і Жан-Поля Марата.

Навіны бібліятэк

111