7 снежня ў дзіцячым пакоі адбылося літаратурнае падарожжа па старонках выдання “Большая книга снега и льда”.
Адкуль бярэцца снег? Ці можна знайсці дзве аднолькавыя сняжынкі? Чаму жывёлы не мерзнуць у сцюжу? З кнігі хлопчыкі і дзяўчаткі даведаліся пра многія зімовыя таямніцы.
Снежная атмасфера залучыла дзяцей у рухавыя гульні і віктарыны. Яны дружна разгадвалі загадкі, спявалі песенькі і чыталі вершы пра першы снег, малявалі і выразалі з беласнежнай паперы прыгожыя сняжынкі.
Яркім акцэнтам мерапрыемства стаў снегапад з лёгкіх карункавых сняжынак. І хоць за вакном няма доўгачаканага снегу, дзеці разам весела і цікава прабавілі час.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.
