13 чэрвеня 2009 года на спартыўна-аздараўленчай базе ФПБ “Алімпіец” адбылася 3-я летняя рэспубліканская галіновая спартакіяда работнікаў культуры і мастацтва.
Асноўныя задачы спартакіяды: развіццё фізічнай культуры і спорту, арганізацыя актыўнага адпачынку працоўных, прыцягненне іх да ўдзелу ў масавых фізкультурна-аздараўленчых і спартыўных мерапрыемствах, усталяванне сяброўскіх сувязей паміж калектывамі прадпрыемстваў і арганізацый сферы культуры.
У спартакіядзе прынялі ўдзел каманды горада Мінска, абласцей Беларусі, рэспубліканскіх арганізацый Міністэрства культуры.
Зборная каманда Нацыянальнай бібліятэкі Беларусі прайшла адборачныя спаборніцтвы ў паўфінале сярод 29 рэспубліканскіх падведамасных арганізацый Міністэрства культуры. Па выніках спаборніцтваў наша каманда заваявала 3-е агульнакаманднае месца і атрымала права ўдзельнічаць у фінале.
У паўфінале былі заваяваны:
- 1-е месца па гіравым спорце;
- 2-е месца па настольным тэнісе (мужчыны);
- 12-е месца па настольным тэнісе (жанчыны);
- 3-е агульнакаманднае месца па міні-футболе;
- 8-е агульнакаманднае месца па валейболе;
- па дартсе раздзялілі 2-е месца.
У фінале Нацыянальная бібліятэка Беларусі спаборнічала з 7 зборнымі камандамі Мінскага гарадскога і абласных упраўленняў культуры, а таксама зборнымі Нацыянальнай кінастудыі “Беларусьфільм” і Беларускай дзяржаўнай акадэміі мастацтваў – пераможцамі сярод рэспубліканскіх арганізацый.
Зборная каманда бібліятэкі заняла 8-е агульнакаманднае месца. У камандным заліку былі заваяваны 6-е месца па футболе і 8-е – па валейболе.
У асабістых першынствах на рахунку бібліятэкі 2-е месца па настольным тэнісе і 6-е – па гіравым спорце.
Разам з нашымі спартсменамі на свята прыбыла і каманда балельшчыкаў. Дзякуем ім за падтрымку!
У час спартакіяды праходзіла канцэртная праграма з удзелам вядомых беларускіх калектываў і выканаўцаў.
Віншуем Нацыянальную бібліятэку Беларусі і жадаем ёй далейшых спартыўных перамог!
 |
 |
 |
 |
 |
 |
 |
 |
 |
