ГалоўнаяНавіныНавіны Нацыянальнай бібліятэкі Беларусі
Круглы стол, прысвечаны Берасцейскай Бібліі
На канікулах – на музейныя заняткі!

Спектакль у бібліятэцы: малышам паказалі казку пра сапраўднае сяброўства

Спектакль у бібліятэцы: малышам паказалі казку пра сапраўднае сяброўства
Іншыя навіны

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Мерапрыемствы праходзяць у рамках культурна-асветніцкай праграмы “Пазнанне. Натхненне. Творчасць”.

5 і 6 лістапада навучэнцы малодшых класаў, адпраўленыя на канікулы ў аздараўленчыя лагеры і пазашкольныя ўстановы сталіцы, пабывалі на інтэрактыўнай музычнай казцы “Вясёлы балаганчык”. Гэта пацешны спектакль пра сапраўднае сяброўства, якое гартуецца выпрабаваннямі. Музыкант Кін падарожнічае па гарадах і вёсках, забаўляе людзей сваімі песнямі і загадкамі. Аднойчы ў шляху ён сустракае сумную дзяўчыну Арль, якая выпадкова заблудзілася, калі выйшла з мястэчка Зачараваная Шкатулка. Арль і Кін адпраўляюцца ў шлях разам.

Спектакль суправаджаўся гульнямі, музычным афармленнем, эксклюзіўнымі дэкарацыямі і мноствам светлавых эфектаў.

Радасць і звонкі смех – вось палітра эмоцый, якая дала высокую ацэнку ігры артыстаў тэатра “Фантазія”.

Дзякуючы працы супрацоўнікаў аддзела культурна-відовішчнай дзейнасці мерапрыемствы атрымліваюцца яркімі, насычанымі і падабаюцца дзецям.

Кожныя канікулы на спектаклях у бібліятэцы мы бачым нязменна задаволеныя твары дарослых і малышэй, але калі вы яшчэ не ў іх ліку – наперадзе самае казачнае, чароўнае свята Новы год!

З 23 па 30 снежня ў бібліятэцы для дзяцей пройдуць паказы з удзелам казачных персанажаў, сярод якіх, вядома, і Дзед Мароз са Снягуркай.

Даведацца падрабязную інфармацыю пра спектаклі і забраніраваць квіткі можна па тэлефонах: (8 017) 293 29 99, 293 25 56.

Матэрыял прадастаўлены аддзелам сувязей з грамадскасцю.

Навіны

Калядная зорка

4 Сне 2020

Новы год і Раство – бадай што самыя чаканыя даты сусветнага календара. Нягледзячы на тое, што для паловы насельніцтва нашай планеты гэтыя святы прыпадаюць на халодную пару года, складана прыгадаць больш цёплую і ўтульную атмасферу ў дамах і на вуліцах.

Кніжныя выстаўкі

4 Сне 2020

Выдавецкі дом “Звязда” зноў радуе чытачоў новымі кнігамі. Распавядзём пра чатыры навінкі. Тэматычны дыяпазон часткова класічны: дзіцячыя кнігі і літаратура пра вайну, аднак адно з выданняў – даніна памяці адметнаму беларускаму паэту, які, на жаль, даволі рана пайшоў з жыцця.

Навіны бібліятэк

3 Сне 2020

28 лiстапада 1923 года ў мiнскiм камсамольскiм клубе «КIМ» сабралiся шэсць маладых пiсьменнiкаў: Мiхась Чарот, Анатоль Вольны, Алесь Дудар, Андрэй Александровiч, Язэп Пушча – i вырашылi стварыць лiтаратурнае аб'яднанне, якое ўвойдзе ў гiсторыю беларускай лiтаратуры пад назвай «Маладняк».

Да 100-годдзя літаб'яднання "Маладняк"

28 Ліс 2020

“Маладняк” – цяпер так магла б абазвацца якая-небудзь каляфутбольная брыгада з прэтэнзіяй, а 95 гадоў таму маладыя літаратары назвалі так сваё аб’яднанне. У шэрагах “Маладняка” былі такія вядомыя пісьменнікі, як Міхась Чарот, Анатоль Вольны, Міхась Лынькоў, Кандрат Крапіва, Пятро Глебка, Алесь Дудар, Міхась Зарэцкі, Кузьма Чорны, Ян Скрыган, Пятрусь Броўка, Уладзімір Дубоўка, Язэп Пушча і многія іншыя. Маладыя, моцныя, амбітныя і таленавітыя творцы з неймавернай энергіяй узяліся за справу стварэння новай культуры. Пры гэтым іх інтарэсы не абмяжоўваліся выключна літаратурай.

Да 100-годдзя літаб'яднання "Маладняк"

Як зберагчы кнігі?

2 Сне 2020

Усе мы любім чытаць у доўгія зімовыя вечары. Тамы Тургенева, Пушкіна і Дастаеўскага напэўна туляцца на паліцах хатніх бібліятэк, чакаючы сваёй гадзіны. І вось, шурпатая вокладка, пах старой паперы і... аселы пыл, які псуе ўвесь настрой.

Навіны Нацыянальнай бібліятэкі Беларусі

111