ГалоўнаяНавіныНавіны Нацыянальнай бібліятэкі Беларусі
ВЧЗ Нацыянальнай бібліятэкі Беларусі запрашае ў падарожжа ў першую сталіцу Вялікага Княства Літоўскага
Нашы чацвераногія сябры

Старадрук з Нацыянальнай бібліятэкі Беларусі – цэнтральны экспанат на выставе “Скарбы пінскай зямлі”

Старадрук з Нацыянальнай бібліятэкі Беларусі – цэнтральны экспанат на выставе “Скарбы пінскай зямлі”
Іншыя навіны

Ужо на гэтых выходных, 4–6 кастрычніка, старажытны Пінск святкуе Дзень горада. З гэтай нагоды і ў сувязі з не менш значнай падзеяй – 95‑годдзем Музея Беларускага Палесся – у мурах былога езуіцкага калегіума адкрылася выстава “Скарбы пінскай зямлі”.

Kazanni-P.Skargi-1.jpgАдзін з цэнтральных экспанатаў выставы – кніга, якая была надрукавана ў гэтым жа будынку амаль тры стагоддзі таму, а сёння зберагаецца ў фондах Нацыянальнай бібліятэкі Беларусі.

Бібліятэка падтрымала ініцыятыву музея і перадала на часовае экспанаванне надзвычай рэдкі пінскі старадрук – “Казанні” вядомага дзеяча каталіцкай царквы Рэчы Паспалітай Пятра Скаргі. Рарытэт выклікаў вялікую цікавасць у жыхароў сталіцы Беларускага Палесся, якія станоўча адгукнуліся на падзею мясцовыя СМІ. Куратар выставачнага праекта, загадчык навукова-асветніцкага аддзела Музея Беларускага Палесся Валеры Кабрынец з задавальненнем распавядае пра выставу журналістам:

Гістарычная даведка:

Пінскі езуіцкі калегіум адлічвае сваю гісторыю ад 1638 г., ён быў створаны на базе рэзідэнцыі ордэна ў Пінску. За час яго існавання (1638–1773 гг.) тут паспелі рэалізавацца разнастайныя віды дзейнасці манахаў: музычная бурса, аптэка, тэатр, шпіталь для бедных і друкарня.

Маштаб актыўнасці пінскіх езуітаў вымагаў уласнага друкарскага варштата. Як трапна падкрэсліў даследчык М. Нікалаеў, пінская друкарня стала “адзінай новай друкарняй, што ўзнікла ў Вялікім Княстве Літоўскім падчас праўлення Аўгуста ІІ”. Дакладныя даты яе дзейнасці застаюцца адкрытымі. Прынамсі, зараз мала хто спрабуе вызначаць іх з упэўненасцю. Паводле розных меркаванняў (Т. Рошчына, М. Цубжыньская-Леанарчык, Т. Самайлюк), друкарня дзейнічала з 1727 да 1746 г. з перапынкамі. Вызначэнне тэрміну існавання гэтай друкарні амаль цалкам залежыць ад прызнання (ці непрызнання) некаторых кніг прадукцыяй пінскіх езуітаў. Справа ў тым, што шэраг выданняў выйшлі з друку без абазначэння месца публікацыі. На падставе менавіта гэтай прыкметы – месца выхаду – літоўская даследчыца Я. Місюнене рэгіструе толькі адно выданне, якое дакладна паходзіць з пінскай езуіцкай друкарні – зборнік казанняў Пятра Скаргі, які выйшаў у 1735 г. з красамоўным надпісам на тытульным лісце “W Pińsku: w Drukarni Collegium Societatis Jesu, 1735”.

Kazanni-P.Skargi-2.jpg

Матэрыял прадастаўлены навукова-даследчым аддзелам кнігазнаўства.

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111