6 верасня ў рамках Дня беларускага пісьменства ў бібліятэцы прайшло пасяджэнне міжнароднага круглага стала “Сугучча: літаратура як люстэрка эпохі”.
Арганізатарамі мерапрыемства выступілі Міністэрства інфармацыі Рэспублікі Беларусь, выдавецкі дом “Звязда”, Саюз пісьменнікаў Беларусі, Нацыянальная бібліятэка Беларусі.
Ужо восьмы год круглы стол праходзіць напярэдадні Дня беларускага пісьменства і збірае вядомых пісьменнікаў і вучоных з розных краін. Штогод яго ўдзельнікі абмяркоўваюць самыя актуальныя тэмы міжнароднага культурнага супрацоўніцтва, праблемы перакладу літаратурнай спадчыны на іншыя мовы, пытанні сучаснага кнігавыдання і літаратурнай перыёдыкі.
Сёлета ў форуме прынялі ўдзел дакладчыкі з Беларусі, Расіі, Казахстана, Азербайджана, Малдовы, Таджыкістана, Літвы.
З прывітальным словам выступілі першы намеснік кіраўніка Адміністрацыі Прэзідэнта Рэспублікі Беларусь Аляксандр Міхайлавіч Радзькоў і міністр інфармацыі Рэспублікі Беларусь Лілія Станіславаўна Ананіч, якія адзначылі, што абмен духоўна-маральным патэнцыялам умацоўвае духоўную культуру кожнай з краін – удзельніц круглага стала.
Пад час мерапрыемства ўдзельнікі абмяркоўвалі ролю літаратуры на сучасным этапе яе развіцця, праблемы і перспектывы развіцця нацыянальных літаратур, пытанні мастацкага перакладу і культурных узаемасувязей.
 |
 |
 |
 |
 |
