14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.
У пачатку мерапрыемства Ігар Аляксеевіч азнаёміў прысутных з сацыяльна-эканамічным жыццём раёна, распавёў пра развіццё жыллёвага будаўніцтва, а таксама аб ходзе выбарчай кампаніі.
Атрымаць адказ асабіста ад І.А. Кудрэвіча ў гэты дзень маглі кіраўнікі структурных падраздзяленняў бібліятэкі. Людзей хвалявалі праблемы ўладкавання дарог, парковак, “зялёных зон”, інфраструктуры раёна і іншыя немалаважныя пытанні.
Кіраўнік адміністрацыі ўважліва выслухаў прысутных і распавёў пра тое, як можна паўплываць на дазвол некаторых сітуацый самастойна, астатнія выпадкі ўзяў на заметку.
Матэрыял прадастаўлены аддзелам сувязей з грамадскасцю.
