Для карыстальнікаў Нацыянальнай бібліятэкі Беларусі і партнёраў па віртуальнай чытальнай зале адкрыты тэставы доступ да баз даных e-Marefa.
У стварэнні рэсурсу ўдзельнічае больш за 300 навуковых арганізацый з 19 арабскіх краін.
e-Marefa – пакет паўнатэкставых электронных баз даных, якія спецыялізуюцца на навуковым кантэнце па гуманітарных, грамадскіх і натуральных дысцыплінах, уключаючы медыцыну, права, літаратуру, педагогіку, экалогію і інфармацыйныя тэхналогіі. Усяго ў рэсурсе сабрана больш за 2 млн навуковых часопісаў, дысертацый, электронных кніг, матэрыялаў канферэнцый.
Мова дакументаў – англійская, арабская, французская.
Тэставы доступ адкрыты да 31 мая 2020 года.
Матэрыял прадастаўлены аддзелам карпаратыўнага ўзаемадзеяння.