Для карыстальнікаў Нацыянальнай бібліятэкі Беларусі адкрыты тэставы доступ да электроннага інфармацыйнага рэсурсу Contemporary Authors Online.
Contemporary Authors Online – самая поўная па міжнародным ахопе, пастаянна абнаўляемая база даных сучасных аўтараў: пісьменнікаў, паэтаў, драматургаў, публіцыстаў, журналістаў і сцэнарыстаў.
У рэсурсе сабраны звесткі пра жыццё і творчасць больш за 149 тыс. сучасных аўтараў, а таксама крытыка і каментарыі да іх твораў.
Штогод у базе даных з’яўляецца больш за 4 тысячы новых запісаў.
Мова рэсурсу – англійская.
Тэставы доступ адкрыты да 1 лістапада 2019 года.
Матэрыял прадастаўлены аддзелам карпаратыўнага ўзаемадзеяння.