Для карыстальнікаў Нацыянальнай бібліятэкі Беларусі і партнёраў па віртуальнай чытальнай зале прадастаўлены тэставы доступ да электронна-бібліятэчнай сістэмы “Айбукс.ру”.
У базе даных прадстаўлены навучальныя і даведачныя выданні па інфармацыйных тэхналогіях, эканоміцы, менеджменце, юрыспрудэнцыі, педагогіцы, медыцыне, бібліятэчнай справе. Карыстальнікам даступны кантэнт па IT-тэматыцы выдавецтваў “Питер”, “БХВ-Петербург”, “ДМК- Пресс”, “БИНОМ. Лаборатория знаний”, “Горячая линия-Телеком” і іншых выдаўцоў, у тым ліку і перакладныя выданні.
Рэсурс мае інтуітыўна зразумелую сістэму пошуку і адбору дакументаў, зручную навігацыю.
Мова дакументаў – руская.
Тэставы доступ адкрыты да 9 сакавіка 2020 года.
Матэрыял прадастаўлены аддзелам карпаратыўнага ўзаемадзеяння.