31 ліпеня ў дзіцячым пакоі прайшлі заняткі “Цікава пачытаць” па серыі кніг “Энцыклапедыя ў кішэні”.
Юныя чытачы здзейснілі займальнае падарожжа па старонках маленькіх энцыклапедый аб жывой прыродзе, з якіх даведаліся шмат цікавых фактаў пра жыццё птушак і насякомых, павукоў і рапух, а таксама марскіх жывёл.
У кніжках-гармоніках дзеці з захапленнем шукалі выхад з каляровых лабірынтаў, адказвалі на пытанні віктарыны, удзельнічалі ў гульні “Птушыныя размовы”. Прыемным дадаткам да заняткаў стаў яркі матылёк, зроблены ўдзельнікамі ў тэхніцы арыгамі.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.