14 кастрычніка ў Нацыянальнай бібліятэцы прайшоў святочны канцэрт “Цудоўны свет любоўю матчынай”, прымеркаваны да Дня маці і свята Пакроваў Прасвятой Багародзіцы.
Кіраўнік адміністрацыі Першамайскага раёна г. Мінска Дзмітрый Шашок павіншаваў мілых дам са светлымі святамі і пажадаў бязмежнага шчасця, радасці і творчага натхнення.
У гонар самых галоўных жанчын у жыцці кожнага чалавека выступілі таленавітыя выканаўцы Ангеліна Ярашчук, Дзіяна Доўгая, Міхаіл Пузыроў, а таксама Беларускі дзяржаўны акадэмічны заслужаны харэаграфічны ансамбль “Харошкі” (мастацкі кіраўнік – Валянціна Гаявая).
Дарагія калегі, віншуем вас са святамі! Жадаем моцнага здароўя, душэўнага цяпла, любві і сямейнага шчасця!
Матэрыял пададзены аддзелам сувязей з грамадскасцю.