18 лістапада ў Нацыянальнай бібліятэцы Беларусі адкрыўся Тыдзень кнігі Ісламскай Рэспублікі Іран.
Арганізатары – Нацыянальная бібліятэка Беларусі і Пасольства Ісламскай Рэспублікі Іран у Рэспубліцы Беларусь.
У мерапрыемстве ўзялі ўдзел дырэктар Нацыянальнай бібліятэкі Беларусі Раман Матульскі, галоўны спецыяліст упраўлення культуры і народнай творчасці галоўнага ўпраўлення культуры і аналітычнай работы Міністэрства культуры Рэспублікі Беларусь Сяргей Бацян, саветнік па культуры Пасольства Ісламскай Рэспублікі Іран у Рэспубліцы Беларусь Абалгасэм Махтарыян, Часовы Павераны Ісламскай Рэспублікі Іран у Рэспубліцы Беларусь Мартэза Бахрамі.
Ва ўрачыстай абстаноўцы ў фонд “алмаза ведаў” былі перададзены кнігі па гісторыі, палітыцы, геаграфіі, культурнай спадчыне і іншых сферах жыцця Ісламскай Рэспублікі Іран. Усе яны былі прадстаўлены на выставачных стэндах. Экспазіцыю дапоўнілі мініяцюры мастака Агаміры і бюсты вялікіх пісьменнікаў Ірана.
Гасцей парадавала выступленне маленькай іранскай артысткі Фатэмэ Гулізадэ, якая прачытала верш на сваёй роднай мове.
На мерапрыемстве працаваў мастак Саід Сахраі, да якога мог падысці любы жадаючы, каб азнаёміцца з мастацтвам каліграфічнага пісьма.
Матэрыял прадастаўлены аддзелам сувязей з грамадскасцю.