ГалоўнаяНавіныНавіны Нацыянальнай бібліятэкі Беларусі
Літаратурныя лекі з бібліяаптэкі…
Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

Творчы вечар Аліны Безенсон

Творчы вечар Аліны Безенсон
Іншыя навіны

21 ліпеня ў бібліятэцы адбыўся творчы вечар беларускага кампазітара Аліны Безенсон, прысвечаны яе юбілею.

Сустрэча прайшла ў форме дыялогу. Аліна Іванаўна распавяла пра сваю творчасць, працу з вучнямі, падрыхтоўку канцэртаў у філармоніі, падзялілася ўспамінамі аб вучобе ў класе кампазітара Андрэя Мдзівані.

Падчас мерапрыемства прагучалі як інструментальныя, так і вакальныя творы кампазітара: “Пасля дажджу”, “Песня сэрца” для цымбалаў і фартэпіяна, сюіта для скрыпкі і фартэпіяна “Кругазварот вады”, апрацоўка беларускай народнай песні “Ляцеў голуб над морам” для цымбалаў і фартэпіяна, песні “Анёл-захавальнік” на вершы А. Бабоўка, “Я бачу сэрцам і душой” на вершы В. Бабіча і інш.

У канцэрце ўзялі ўдзел цымбалістка Дар’я Баханко, скрыпачкі Сафія Ткачэнка і Даніела Куксенкова, піяніст Багдан Бабіч, юная вакалістка Марыяна Бабіч. Бард Алена Маслоўская выканала рамансы Аліны Безенсон “Душа” на вершы Аліны Легастаевай і “Нязгаснае святло” на вершы невядомага аўтара. Напрыканцы прагучала песня “Дзеля міру” ў выкананні Аліны Чыжык.

З юбілеем Аліну Безенсон павіншавалі калегі і сябры, са словамі падзякі выступілі бацькі вучняў Аліны Іванаўны.

Таксама госці пазнаёміліся з прысвечанай кампазітару выставай “Дарогай святла”.

Матэрыял пададзены аддзелам абслугоўвання спецыялізаванымі фондамі.

Чытайце таксама: Планета тепла, добра и таланта
Навіны

Экскурсіі ў Дзень народнага адзінства

17 Вер 2021

17 верасня ў Нацыянальную бібліятэку Беларусі на экскурсіі цыкла “Славутыя імёны Бацькаўшчыны” завіталі навучэнцы Мінскага гарадскога кадэцкага вучылішча і сярэдняй школы № 225 г. Мінска. Для іх былі праведзены экскурсіі па творчасці Францыска Скарыны і Уладзіміра Караткевіча.

Навіны Нацыянальнай бібліятэкі Беларусі

Бібліятэкарам