23 студзеня ў дзіцячым пакоі Нацыянальнай бібліятэкі Беларусі пройдзе творчае мерапрыемства “Дзед Мароз у Белавежскай пушчы”
У Дзеда Мароза няма выхадных: ён працуе круглы год. А хто ж яму дапамагае, як выглядае яго маёнтак у Белавежскай пушчы?
Удзельнікі мерапрыемства раскрыюць таямніцы чарадзейнай рэзідэнцыі, а таксама паўдзельнічаюць у стварэнні 3D-аплікацыі: “паселяць” на аб'ёмнай мадэлі белавежскага маёнтка казачных персанажаў з каляровай паперы і кардону.
Запрашаюцца хлопчыкі і дзяўчынкі 5–9 гадоў.
Заняткі праводзяцца бясплатна. Усімі матэрыяламі для вырабаў дзеці будуць забяспечаны.
Час правядзення заняткаў: 18.00–19.30.
Вядзецца папярэдні запіс па тэлефоне: (8 017) 293 25 34.
