6 жніўня ў дзіцячым пакоі прайшлі творчыя заняткі “Грыбная палянка”, на якіх дзеці набылі навыкі работы ў тэхніцы абрыўной аплікацыі.
За стварэнне кампазіцыі “Грыбная палянка” ўдзельнікі ўзяліся з цікавасцю і натхненнем, адгадалі загадкі, успомнілі ядомыя і неядомыя грыбы, выбралі прыдатную па колеры паперу для дэталяў карцінкі. Усе навучыліся абрываць і акуратна прыклейваць розныя па форме кавалачкі каляровай паперы на кардонную аснову з контурамі грыбоў і сонейка.
Перадаўшы свой настрой, дзеці зрабілі яркую аплікацыю сонечнай грыбной палянкі.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
