27 мая ў дзіцячым пакоі прайшлі творчыя заняткі “Матрошка”, на якіх дзеці зрабілі яркі выраб у тэхніцы скрапбукінгу.
На падрыхтаваную белую кардонную аснову лялечкі-падвескі хлопчыкі і дзяўчаткі наклеілі ўзорыстую сукенку з паперы для скрапбукінгу. Для ўпрыгожвання лялечкі выкарысталі кветкі з фаамірану, бліскучыя стразы, атласныя і карункавыя стужачкі.
Дзеці даведаліся, чаму знакамітая руская цацка называецца матрошкай, у чым яе сакрэт, і пагулялі ў рухавую гульню-эстафету “Апранайка”.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
