25 чэрвеня ў дзіцячым пакоі прайшлі творчыя заняткі “Смоўжык у доміку”, на якіх дзеці навучыліся рабіць выраб у тэхніцы трэш-арт.
Асновай для вырабу паслужыў выразаны з кардону зялёны лісточак. Дзеці вылепілі з пластыліну розных колераў маленькага вясёлага смоўжыка, на спінку якога прымацавалі ўпрыгожаную арыгінальнымі ўзорамі ракавінку.
Юныя ўдзельнікі адгадвалі загадкі, даведаліся шмат цікавага пра траваедных малюскаў і паслухалі гісторыю пра смоўжыка і чарапаху з аднайменнай кнігі Машы Траўб.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.