11 чэрвеня ў дзіцячым пакоі прайшлі творчыя заняткі “ Вясёлыя жывёлы”.
Незвычайная тэхніка малявання з дапамогай паралонавых штампаў спадабалася ўсім удзельнікам. Выкарыстоўваючы штампы, дзеці намалявалі выразныя і роўныя фігуркі жывёл: коціка, шчаняці, кіта і кураняці. Каляровымі фламастарамі яны дапоўнілі свае малюнкі невялікімі дэталямі для завяршэння творчай кампазіцыі.
Адгадванне загадак пра жывёл і ўдзел у вясёлай гульні “Мышы водзяць карагод” згуртавала ўсіх удзельнікаў мерапрыемства і стварыла добры настрой.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
