ГалоўнаяНавіныНавіны Нацыянальнай бібліятэкі Беларусі
Дамалюй працяг: выйшла другая частка дзіцячага комікса “Не для чужых вачэй”
Адкрыта рэгістрацыя на ХVІ Міжнародныя кнігазнаўчыя чытанні

У бібліятэцы адбылася прэм’ера фільма “Спадчына”

Іншыя навіны

Кінастудыя “Беларусьфільм” сумесна з Нацыянальнай бібліятэкай Беларусі прадставілі 52-хвілінную дакументальна-ігравую стужку, у якой упершыню былі адлюстраваны ўсе асноўныя дасягненні краіны ў галіне культуры за гады незалежнасці.

Фільм распавядае пра ўзнаўленне гістарычнага аблічча краіны, адраджэнне нацыянальных святынь, будаўніцтве знакавых аб’ектаў культуры. Адным з такіх унікальных аб’ектаў, якія захоўваюць духоўнае багацце краіны, з’яўляецца Нацыянальная бібліятэка Беларусі. Яе гісторыя стварэння, фарміраванне ўнікальных фондаў таксама прадстаўлены ў карціне.

Прэзентацыя пачалася з выступлення беларускага акцёра Аляксандра Абрамовіча і таленавітай юнай артысткі Соф’і Таран з вершам Янкі Купалы “Спадчына”.

Прэм’еру наведалі прадстаўнікі сферы культуры, студэнты, журналісты, грамадскасць. Усім ім выпаў шанс асабіста пазнаёміцца са здымачнай групай.

Аўтар сцэнарыя, лаўрэат Нацыянальнай літаратурнай прэміі Рэспублікі Беларусь, уладальнік медаля Францыска Скарыны – Наталля Голубева, рэжысёр фільма – Людміла Клінцова, кінааператар – Аляксандр Уласаў, гукааператар – Дзмітрый Петрусенка, музыка – Максім Валодзін, механік – Аляксандр Васюк, рэдактар – Уладзімір Мароз, дырэктар – Таццяна Афанасьева.

У фільме прынялі ўдзел кіраўнікі знакавых устаноў культуры, прадстаўнікі творчай інтэлігенцыі: архітэктар Віктар Крамарэнка, балетмайстар Валянцін Елізар’еў, рэжысёр Мікалай Пінігін, народны мастак БССР Леанід Шчамялёў, оперная дзіва Ніна Шарубіна, народныя артысткі Таццяна Мархель, Інэса Душкевіч, мастацтвазнаўца Вольга Бажэнава, а таксама дзеці, моладзь, якія сваёй творчасцю ўжо заявілі пра сябе.

Завяршылася прэзентацыя яркім выступленнем ансамбля “Грамніцы” Беларускага дзяржаўнага ўніверсітэта культуры і мастацтваў, мастацкім кіраўніком якога з’яўляецца прафесар Уладзімір Зяневіч.

Матэрыял прадастаўлены аддзелам сувязей з грамадскасцю.

Навіны

Заняткі на выставе “Энцыклапедыя. Нацыянальны праект”

17 Сту 2020

26 студзеня ў межах пасяджэнняў “Клуба кніжных прафесараў” адбудуцца ўнікальныя заняткі на выставе “Энцыклапедыя. Нацыянальны праект” з куратарам выставы Ксеніяй Сушай.

Навіны Нацыянальнай бібліятэкі Беларусі

У бібліятэцы адзначылі Дзень літаб’яднання «Маладняк»

16 Сту 2020

16 студзеня ў рамках Дня літаб’яднання «Маладняк» у бібліятэцы прайшоў круглы стол «Маладнякоўскімі крокамі», святочная імпрэза і адкрыццё выстаўкі ў музеі кнігі, на якой упершыню ў адной экспазіцыі прадстаўлена спадчына маладнякоўцаў.

Навіны Нацыянальнай бібліятэкі Беларусі

Да 70-годдзя з дня нараджэння Тамары Аксёнавай

15 Сту 2020

15 студзеня 2020 г. спаўняецца 70 гадоў з дня нараджэння Тамары Уладзіміраўны Аксёнавай, ветэрана Нацыянальнай бібліятэкі Беларусі, высокакваліфікаванага спецыяліста ў галіне бібліятэчнай і бібліяграфічнай дзейнасці, дасведчанага кіраўніка, здольнага арганізатара і актыўнага грамадскага дзеяча.

Партрэты: гісторыя бібліятэкі ў асобах

Глядзіце, які ролік выйшаў пра бібліятэку!

17 Сту 2020

Зоркі шоу-бізнесу Андрэй Бонд і Вольга Нікіфарава пабывалі ў Нацыянальнай бібліятэцы Беларусі і былі ўражаны ўсімі магчымасцямі, якія даступны нашым чытачам. Што ўдалося даведацца – глядзіце ў новым роліку.

Навіны Нацыянальнай бібліятэкі Беларусі

Лепшы падарунак – экскурсія

14 Сту 2020

Навагоднія святы – час цудаў і прыемных сюрпрызаў, калі кожны імкнецца падзяліцца радасцю і душэўным цяплом з блізкім. Нацыянальная бібліятэка Беларусі традыцыйна праводзіць дабрачынныя экскурсіі і іншыя сацыякультурныя мерапрыемствы.

Навіны Нацыянальнай бібліятэкі Беларусі

111