У фондах Нацыянальнай бібліятэкі Беларусі (НББ) захоўваецца каля 10 мільёнаў дакументаў, з іх звыш 500 тысяч лічбавых копій. Штогод бібліятэка набывае доступ да электронных інфармацыйных рэсурсаў вядучых айчынных і замежных выдавецтваў і агрэгатараў.
Сёння карыстальнікі маюць магчымасць працаваць са 130 базамі даных 32 выдавецтваў і агрэгатараў інфармацыйных рэсурсаў. Галоўнай пошукавай сістэмай для гэтых рэсурсаў з’яўляецца Электронны каталог НББ.
З мэтай павышэння эфектыўнасці работы з выдаленымі электроннымі інфармацыйнымі рэсурсамі і арганізацыі адзінага пункту доступу для працы з разнастайнымі інфармацыйнымі рэсурсамі ў каталогу бібліятэкі быў падключаны сэрвіс інтэграванага пошуку (сэрвіс-discovery).
Дзякуючы гэтаму сэрвісу любы карыстальнік незалежна ад месцазнаходжання мае магчымасць без аўтарызацыі ажыццявіць пошук дакументаў, якія захоўваюцца ў фондзе НББ, ліцэнзійных базах даных і інфармацыйныя рэсурсы адкрытага доступу; атрымаць доступ да поўных тэкстаў дакументаў з інфармацыйных рэсурсаў адкрытага доступу.
У будынку бібліятэкі можна атрымаць доступ да яе электроннай бібліятэкі, а таксама да поўных тэкстаў дакументаў з ліцэнзійных баз даных: EBSCOhost, Oxford Journals Online, eLIBRARY.RU, “Лань”, “Універсітэцкая бібліятэка” і інш.Матэрыял прадастаўлены інфармацыйным цэнтрам бібліятэкі.