27 мая ў музеі кнігі адбылася творчая сустрэча юных сяброў кнігі “Героі кніжнай краіны”.
Знаёмства з класікай дзіцячай літаратуры прайшло ў гульнявой форме на аднайменнай выставе.
На творчай сустрэчы ўзгадалі казкі “Брыдкае качанё” Х.К. Андэрсана і “Воўк і сямёра казлянят” братоў Грым. Падчас мерапрыемства юныя ўдзельнікі паспрабавалі сябе ў якасці акцёраў лялечнага спектакля па матывах казкі братоў Грым. Затым дзеці з задавальненнем чыталі цікавую гісторыю Таццяны Дамаронак “Вушатыя савяняты” і малявалі маленькіх птушачак.
Запрашаем далучацца да музейных чытанняў!
Матэрыял пададзены навукова-даследчым аддзелам кнігазнаўства.
