14 лістапада ў Нацыянальнай бібліятэцы Беларусі прайшоў круглы стол, прысвечаны Берасцейскай Бібліі.
Праблемнае поле круглага стала ўключала наступныя пытанні:
- Берасцейская Біблія – шэдэўр беларускага кнігадрукавання ХVI ст.;
- Берасцейская друкарня і беларускае кнігадрукаванне XVI ст.;
- Мастацтва беларускіх старадрукаў;
- Беларуская кніжная культура і пісьмовыя традыцыі ў эпохі Рэфармацыі і Рэнесансу;
- Пераклады Бібліі ў Беларусі ў XVI–XVIІІ стст.;
- Факсімільнае выданне кніжных помнікаў як культурна-асветніцкая місія.
Праграма навуковага мерапрыемства ўключала даклады экспертаў у галіне вывучэння кніжнай культуры.
У круглым стале ўзялі ўдзел вучоныя, спецыялісты бібліятэк, музеяў і архіваў:
Іванова Людміла Сяргееўна, вядучы навуковы супрацоўнік Нацыянальнага гістарычнага архіва Беларусі;
Клімаў Ігар Паўлавіч, дацэнт кафедры Беларускага дзяржаўнага ўніверсітэта культуры і мастацтваў, кандыдат філалагічных навук, дацэнт;
Габрусевіч Алег Уладзіміравіч, пастар Царквы Хрысціян Адвентыстаў Сёмага Дня г. Жлобіна РРА “Канферэнцыя Цэркваў Хрысціян Адвентыстаў Сёмага Дня ў Рэспубліцы Беларусь”, магістр тэалогіі;
Сцефановіч Аляксандр Віктаравіч, загадчык аддзела рэдкіх кніг і рукапісаў Цэнтральнай навуковай бібліятэкі імя Якуба Коласа Нацыянальнай акадэміі навук Беларусі;
Некрашэвіч-Кароткая Жанна Вацлаваўна, прафесар кафедры гісторыі беларускай літаратуры філалагічнага факультэта Беларускага дзяржаўнага ўніверсітэта, доктар філалагічных навук;
Лаўрык Юры Мікалаевіч, вядучы навуковы супрацоўнік Нацыянальнага гістарычнага музея Рэспублікі Беларусь, магістр тэалогіі;
Трыфанава Наталля Якаўлеўна, вядучы навуковы супрацоўнік аддзела старажытнабеларускага мастацтва Нацыянальнага мастацкага музея Рэспублікі Беларусь, кандыдат мастацтвазнаўства;
Доўнар Ларыса Іосіфаўна, прафесар кафедры бібліятэчна-інфармацыйнай дзейнасці Беларускага дзяржаўнага ўніверсітэта культуры і мастацтваў, кандыдат педагагічных навук, дацэнт.
Мадэратарамі навуковага мерапрыемства выступілі:
Суша Аляксандр Аляксандравіч, намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі, кандыдат культуралогіі;
Сцебурака Анатоль Мікалаевіч, загадчык навукова-даследчага аддзела кнігазнаўства Нацыянальнай бібліятэкі Беларусі, кандыдат гістарычных навук.
Круглы стол арганізаваны ў рамках серыі “Берасцейская Біблія: адкрыты дотык”.
Матэрыял прадастаўлены навукова-даследчым аддзелам кнігазнаўства.