10–11 кастрычніка ў рамках міжнароднага адукацыйнага праекта “Актыўны музей” прайшоў адукацыйны семінар “Актыўны музей. Інтэрактыўныя праекты ў музейным асяродку: ад ідэі да рэалізацыі”.
Мерапрыемства ладзіла Этнаграфічная майстэрня імя Вітольда Дыноўскага (г. Варшава, Польшча) сумесна з Мемарыяльным музеем-майстэрняй З.І. Азгура (г. Мінск, Беларусь).
Мэтай семінара з’яўлялася азнаямленне з польскім досведам у галіне арганізацыі і рэалізацыі інтэрактыўнага складніка экскурсійнай работы, укараненне новых форм работы з наведвальнікамі розных узроставых груп, стымуляванне дыялогу і сумеснай работы паміж беларускімі і польскімі калегамі і ўмацаванне стасункаў паміж музеямі.
Музейную дзейнасць Нацыянальнай бібліятэкі Беларусі на семінары прадставілі загадчык сектара музейнай дзейнасці Таццяна Захарава і загадчык сектара навукова-праектнай работы Таццяна Сапега.