ГалоўнаяНавіныНавіны Нацыянальнай бібліятэкі Беларусі
Да 125-годдзя з дня нараджэння вядомага беларускага бібліёграфа Адама Антонавіча Сакольчыка
Першы прэзідэнт Беларускай акадэміі навук

Удзел у семінары па дзіцячым чытанні

Удзел у семінары па дзіцячым чытанні
Іншыя навіны

13–14 красавіка ў Драгічынскай цэнтральнай раённай бібліятэцы адбыўся абласны семінар “Дзіцячае чытанне і бібліятэка ў кантэксце лічбавізацыі сучаснага грамадства”.

Тэматычнае поле семінара ўключала праблемы павышэння статусу чытання, чытацкай актыўнасці і якасці чытання, развіццё культурнай і чытацкай кампетэнцыі дзяцей і юнацтва. Бібліятэкі выступаюць як галоўныя рэсурсныя цэнтры чытацкага развіцця дзяцей. У іх ажыццяўляецца не толькі далучэнне да кнігі, але і міжасобасныя стасункі паміж дзецьмі, раўнапраўны дыялог дзіцяці і дарослага, іх інтэлектуальнае і духоўнае партнёрства. Наладжванне ўзаемадзеяння бібліятэкі з сям’ёй і дзіцём вызначае яе кіруючую ролю ў фарміраванні асобы дзіцяці як чытача.

З прывітальным словам да ўдзельнікаў семінара звярнуліся Іна Праневіч, начальнік аддзела ідэалагічнай работы, культуры і па справах моладзі Драгічынскага райвыканкама, і Алена Стрыжэвіч, дырэктар Брэсцкай абласной бібліятэкі імя М. Горкага.

Drahicyn_1_text.jpg

Бібліятэкі ў сваёй дзейнасці выкарыстоўваюць розныя формы і метады, якія дазваляюць завабіць дзяцей у бібліятэку, павысіць зацікаўленасць у кнізе і чытанні. Удзельнікі семінара абмеркавалі наватарскія прыёмы, якія выкарыстоўваюцца ў бібліятэках, з дапамогай якіх дасягаецца фарміраванне пазітыўнага стаўлення да чытання ў маладога пакалення. Унікальны вопыт Брэсцкай абласной бібліятэкі імя М. Горкага прэзентавалі намеснік дырэктара па сацыякультурнай і інфармацыйнай рабоце Ларыса Верамчук і загадчыца аддзела сацыякультурнай дзейнасці і маркетынгу Вікторыя Міхайлава. У бібліятэцы ствараецца асяроддзе для чытацкага развіцця дзяцей пачынаючы з ранняга ўзросту, а таксама для іх бацькоў як арганізатараў сямейнага чытання.

Drahicyn_2_text.jpg

Нацыянальную бібліятэку Беларусі прадстаўляла Таццяна Сапега, загадчыца сектара навукова-праектнай работы навукова-даследчага аддзела кнігазнаўства, якая распавяла аб праектнай дзейнасці бібліятэкі па папулярызацыі кніжнай культуры для дзяцей. У дакладзе асноўная ўвага была нададзена маркетынгавым метадам прасоўвання і прынцыпам рэалізацыі праекта “У госці да кніг”.

Drahicyn_3_text.jpg

Вікторыя Каралёва, загадчыца аддзела маркетынгу і праектнай дзейнасці Навуковай бібліятэкі БНТУ, раскрыла тэму інклюзіі ў бібліятэцы, спецыфіку абслугоўвання дзяцей з асаблівасцямі фізічнага развіцця.

Drahicyn_4_text.jpg

Семінар быў арганізаваны для намеснікаў дырэктараў бібліятэчных сістэм па рабоце з дзецьмі і загадчыкаў дзіцячых бібліятэк Брэсцкай вобласці. Мерапрыемства дазволіла спецыялістам пазнаёміцца з лепшым інавацыйным вопытам абслугоўвання дзяцей у бібліятэках.

Матэрыял падрыхтаваны навукова-даследчым аддзелам кнігазнаўства.

Навіны

Ад радыё да падкаста: гісторыя агучанай літаратуры

14 Май 2021

Чытанне – не самае простае хобі. Яно займае шмат часу, бо не кожны можа засяродзіцца на кнізе ў вагоне метро, часам паглыбленне ў свет літаратуры павінна адбывацца ў вельмі асаблівых умовах, у цішыні і за зачыненымі дзвярыма. Побыт паглынае нас з галавой, а чытаць так хочацца! Вось і прыходзяць на дапамогу аўдыякнігі. Але адкуль яны ўзяліся і да чаго ўсё вядзе? Давайце паглядзім на гісторыю гэтага незвычайнага фармату літаратуры – аўдыя.

Аўтарскі погляд

13 Май 2021

Якім запомніўся Змітрок Бядуля па кароткіх звестках з падручнікаў і хрэстаматый? Калі арыентавацца толькі на школьную праграму, вобраз пісьменніка падаецца няпоўным. У яго шмат твораў на рэлігійную тэму, з якіх відаць, што літаратар добра ведаў Біблію, а хрысціянскае светаадчуванне было для яго натуральным. Так, піша пра нараджэнне Хрыста – і не ў рэчышчы высмейвання, а з пачуццём замілавання і захаплення, глыбокага перажывання рэлігійнага таемства.

Навіны бібліятэк

Віртуальная чытальная зала НББ для бібліятэк Віцебшчыны: інфармацыйныя рэсурсы і патэнцыял аддаленага абслугоўвання

13 Май 2021

Працягваем серыю віртуальных сустрэч з публічнымі бібліятэкамі з розных рэгіёнаў Беларусі. 13 мая прайшоў анлайн-семінар “Магчымасці выкарыстання рэсурсаў віртуальнай чытальнай залы Нацыянальнай бібліятэкі Беларусі ў інфармацыйным бібліятэчным абслугоўванні карыстальнікаў бібліятэк Віцебскай вобласці”.

Навіны Нацыянальнай бібліятэкі Беларусі

Літаратурныя смачнасці: 10 мастацкіх кніг з рэцэптамі

12 Май 2021

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

Чырвоная кніга

12 Май 2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Кніжныя выстаўкі

“Цікава пачытаць”: кніга “Мора ў чамадане, або Казка вяртаецца”

12 Май 2021

8 мая ў дзіцячым пакоі на занятках “Цікава пачытаць” дзеці даведаліся аб займальных прыгодах школьніцы Марыі Лапінай – галоўнай гераіні кнігі Надеі Ясмінска “Мора ў чамадане, або Казка вяртаецца”.

Навіны Нацыянальнай бібліятэкі Беларусі

Бібліятэкарам
111