Арыгінальная гравіравальная дошка ХVII ст. і ўзноўленая з яе гравюра з партрэтам караля і вялікага князя Яна ІІІ Сабескага ўпершыню дэманструюцца на выставе “Узноўлены шэдэўр” у музеі кнігі.
Унікальны экспанат прадастаўлены з прыватнага збору калекцыянера Алега Судлянкова.
Гравюра мае цікавую гісторыю. І, як высветлілі нашыя эксперты, з’яўляецца фрагментам манументальнай кампазіцыі, вядомай пад назвай “Dodecameron Triumphans Joannis III” (“Дадэкамерон трыумфу Яна ІІІ”), якая прысвечана… А вось чаму яна прысвечана і якія падрабязнасці паходжання гравіравальнай дошкі, глядзіце ў відэа.
Культурную і гістарычную каштоўнасць унікальнага экспаната абмяркоўваюць калекцыянер Алег Судлянкоў і спецыяліст Нацыянальнай бібліятэкі Беларусі Марыя Шопіна:
Выстава “Узноўлены шэдэўр” будзе працаваць у музеі кнігі (пам. 347) да 30 мая 2021 г.
Дата яе завяршэння можа быць зменена.
Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.
Матэрыял пададзены навукова-даследчым аддзелам кнігазнаўства.
