19 кастрычніка ў галерэі “Ракурс” Нацыянальнай бібліятэкі Беларусі ладзілася мерапрыемства “Вечна жывы джаз”.
Чарговы сумесны праект Нацыянальнай бібліятэкі Беларусі і Пасольства ЗША ў Рэспубліцы Беларусь стаў яркай падзеяй для ўсіх, хто сапраўды любіць джаз, ведае яго гісторыю і цікавіцца гэтым музычным напрамкам.
У рамках мерапрыемства адкрылася кніжная выстаўка-прагляд з фондаў Нацыянальнай бібліятэкі Беларусі, прысвечаная элітарнаму свету джаза. У экспазіцыю ўвайшлі энцыклапедыі і слоўнікі, аўтабіяграфічныя і бібліяграфічныя выданні, пласцінкі і кампакт-дыскі, ноты і ілюстрацыі. Адначасова пачала работаць выстаўка плакатаў, прысвечаных легендарнаму Луі Армстронгу – сусветна вядомаму “каралю джаза”.
Падчас мерапрыемства адбылася перадача Пасольствам ЗША ў Рэспубліцы Беларусь сертыфіката на набыццё музычнай базы даных для карыстальнікаў Нацыянальнай бібліятэкі Беларусі.
У мерапрыемстве ўзялі ўдзел дырэктар Нацыянальнай бібліятэкі Беларусі Раман Матульскі, Часовы Павераны ЗША ў Рэспубліцы Беларусь Майкл Скэнлан, загадчык аддзела галерэйна-выставачнай дзейнасці Нацыянальнай бібліятэкі Беларусі Фёдар Ястраб, музычны крытык, журналіст Дзмітрый Падбярэзскі.
Растварыцца ў свеце джаза і стварыць адпаведную атмасферу гасцям вечара дапамаглі музычныя нумары ў выкананні ўзорнага эстраднага аркестра Дзіцячай школы мастацтваў г. Капыля (мастацкі кіраўнік – Леў Канаплянік) і вакальна-інструментальнай студыі “Новый мир” Беларускага дзяржаўнага ўніверсітэта інфарматыкі і радыёэлектронікі (мастацкі кіраўнік – Юлія Навамір).