Анлайн-каталог Нацыянальнай бібліятэкі Беларусі – самы наведвальны і запатрабаваны інфармацыйны рэсурс бібліятэкі. Гэта платформа для пошуку дакументаў з фондаў бібліятэкі, ліцэнзійных баз даных і інфармацыйных рэсурсаў адкрытага доступу.
Умовы доступу і пошук у каталогу часам выклікаюць цяжкасці і пытанні наведвальнікаў парталу. Для аказання дапамогі пры працы з вэб-каталогам створаны відэаўрок па асновах пошуку ў гэтым рэсурсе.
У відэароліку дадзена наглядная інструкцыя аб умовах доступу да каталога і поўных тэкстаў дакументаў, ахарактарызаваны інтэрфейс, прадстаўленне вынікаў пошуку і прымяненне фільтраў.
У частцы 1 урока, акрамя агульнай інфармацыі аб каталогу, прапануецца алгарытм простага пошуку дакументаў з фондаў бібліятэкі ва ўкладцы “Каталог НББ”.
У частцы 2 урока апісана тэхналогія пошуку ў набытых Нацыянальнай бібліятэкай Беларусі ліцэнзійных электронных інфармацыйных рэсурсах і навуковых рэсурсах адкрытага доступу, а таксама праца ва ўкладцы “Аб’яднаны пошук”.
Сэрвісныя магчымасці вэб-каталога, даступныя чытачам (у тым ліку аддалены заказ дакументаў), а таксама методыка пашыранага пошуку будуць апісаны ў наступных уроках.
Відэаўрокі па іншых рэсурсах і сэрвісах Нацыянальнай бібліятэкі Беларусі прадстаўлены ў раздзеле “Чытачу”.
Матэрыял прадастаўлены аддзелам даведачна-інфармацыйнага абслугоўвання.
