Кіраўнік дзяржавы Аляксандр Лукашэнка прысудзіў прэміі “За духоўнае адраджэнне” і спецыяльныя прэміі дзеячам культуры і мастацтва.
Па выніках 2020 года за значныя дасягненні ў справе выхавання любві да роднага краю, стварэнне інфармацыйных рэсурсаў, прысвечаных тэме малой радзімы, спецыяльнай прэміяй Прэзідэнта Рэспублікі Беларусь адзначаны аўтарскі калектыў Магілёўскай абласной бібліятэкі імя У.І. Леніна ў складзе галоўнага і вядучага бібліятэкараў аддзела маркетынгу і бібліятэказнаўчай работы Юліі Касцюк і Івана Малініна.
Калектыў Нацыянальнай бібліятэкі ад усёй душы віншуе калег з высокай узнагародай і жадае творчых здзяйсненняў, невычэрпных ідэй і далейшых поспехаў у працы!
Матэрыял пададзены аддзелам сувязей з грамадскасцю.