19 лістапада адбыўся чарговы анлайн-семінар віртуальнай чытальнай залы Нацыянальнай бібліятэкі Беларусі. Яго галоўная тэма – электронныя інфармацыйныя рэсурсы для устаноў усіх ступеней адукацыі.
Спікерам віртуальнага мерапрыемства выступіла загадчыца сектара маніторынгу, набыцця і распаўсюджвання ЭІР аддзела карпаратыўнага ўзаемадзеяння НББ Марыя Дамоўская, якая прадставіла рэсурсы ВЧЗ для сферы адукацыі і звярнула ўвагу ўдзельнікаў сустрэчы на перавагі карпаратыўнай падпіскі для бібліятэк Беларусі праз віртуальную чытальную залу.
Запрошаны госць семінара, Лада Данілава (кампанія “IPR Media”), пазнаёміла з рэсурсамі электронна-бібліятэчнай сістэмы “IPR BOOKS” для забеспячэння адукацыйнага працэсу калекцыямі навуковай і вучэбнай літаратуры, сэрвісамі для выкладчыкаў і студэнтаў на платформах “Прафадукацыя” і “Рускі як замежны”.
У семінары прынялі ўдзел прадстаўнікі бібліятэк устаноў вышэйшай, прафесійна-тэхнічнай і сярэдняй спецыяльнай адукацыі, супрацоўнікі і чытачы публічных бібліятэк.
Віртуальная чытальная зала адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання працы з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
