24 красавіка Нацыянальную бібліятэку Беларусі наведала група з 15 чалавек – кіраўнікоў беларускіх аматарскіх калектываў мастацкай творчасці з Арменіі, Італіі, Літвы, Латвіі, Малдовы, Польшчы, Расіі, Украіны і Эстоніі.
З 22 па 28 красавіка замежныя госці праходзяць творчую стажыроўку на базе ўстаноў культуры і адукацыі нашай краіны. Стажыроўка арганізавана Рэспубліканскім цэнтрам нацыянальных культур у адпаведнасці з Дзяржаўнай праграмай “Культура Беларусі на 2016–2020 гг.”.
Падчас візіту галоўны бібліёграф аддзела карпаратыўнага ўзаемадзеяння Людміла Гарбачова пазнаёміла нашых суайчыннікаў з архітэктурнымі асаблівасцямі і мастацкім афармленнем будынка бібліятэкі, яе актыўнай і разнастайнай сацыякультурнай дзейнасцю. Асаблівую цікавасць выклікала інфармацыя пра беларусазнаўчыя электронныя інфармацыйныя рэсурсы, генераваныя Нацыянальнай бібліятэкай Беларусі, а таксама пра магчымасці віртуальных сэрвісаў па інфармацыйным абслугоўванні карыстальнікаў у аддаленым рэжыме.
Загадчыца аддзела экскурсійна-метадычнай работы Людміла Камароўская расказала наведвальнікам пра новы праект бібліятэкі “Славутыя імёны Бацькаўшчыны”.