28 жніўня ў рамках рабочага візіту ў Рэспубліку Беларусь губернатара Астраханскай вобласці Расійскай Федэрацыі А.А. Жылкіна бібліятэку наведала намеснік старшыні ўрада Астраханскай вобласці – міністр культуры і турызму Астраханскай вобласці Г.А. Зацеева.
Для ганаровай госці дырэктар бібліятэкі Раман Сцяпанавіч Матульскі правёў аглядную экскурсію па будынку сацыякультурнага цэнтра краіны. Галіна Аляксандраўна пазнаёмілася з гісторыяй кніжнай скарбніцы, наведала яе найбольш значныя месцы і атрымала асалоду ад віду на сталіцу Беларусі, падняўшыся на аглядную пляцоўку бібліятэкі.
Напрыканцы сустрэчы ў музеі кнігі дырэктар бібліятэкі і госця абмяняліся памятнымі падарункамі.