ГалоўнаяНавіныНавіны Нацыянальнай бібліятэкі Беларусі
Наваполацк – культурная сталіца Беларусі 2018 года
Інфармацыйныя рэсурсы выдавецтва Оксфардскага ўніверсітэта ў Нацыянальнай бібліятэцы Беларусі

Візіт у Мінскую духоўную акадэмію

Візіт у Мінскую духоўную акадэмію
Іншыя навіны

21 сакавіка супрацоўнікі навукова-даследчага аддзела кнігазнаўства Нацыянальнай бібліятэкі Беларусі наведалі Мінскую духоўную акадэмію.

Госці азнаёміліся з выстаўкай бібліятэкі Мінскай духоўнай акадэміі, наведалі царкоўна-гістарычны музей Беларускай праваслаўнай царквы і біблейскі кабінет кафедры біблеістыкі і тэалогіі. Сярод экспанатаў выстаўкі прадстаўлена і ўнікальнае факсімільнае выданне “Кніжная спадчына Францыска Скарыны”, перададзенае ў дар Патрыяршым Экзархам акадэмічнай бібліятэцы.

Рэктар архімандрыт Сергій (Акімаў) правёў экскурсію па комплексе акадэмічных будынкаў і распавёў гасцям аб арганізацыі адукацыйнага працэсу і навукова-выдавецкай дзейнасці кафедраў. У біблійным кабінеце кафедры біблеістыкі і багаслоўя наведвальнікі даведаліся пра гісторыю фарміравання канону славяна-рускай Бібліі і яе першых рукапісных і друкаваных выданнях.

Супрацоўнікі бібліятэкі пазнаёміліся з выстаўкай рукапісных і факсімільных выданняў XI–XVII стст., арганізаванай у чытальнай зале акадэмічнай бібліятэкі да Дня праваслаўнай кнігі. Загадчык бібліятэкай Ілья Перчанка распавёў гасцям пра гісторыю фарміравання бібліятэчнага фонду і арганізацыю працы ў бібліятэцы цяпер. Бібліятэка Мінскай духоўнай акадэміі налічвае каля 60 тыс. адзінак захоўвання. Першапачатковы фонд бібліятэкі быў сфарміраваны з кніг, перададзеных Мінскай духоўнай акадэміі мітрапалітам Філарэтам (Вахрамеевым) (цяпер – Ганаровым Патрыяршым Экзархам усяе Беларусі), а таксама дзякуючы перадачы поўнага фонду бібліятэкі Мінскага епархіяльнага ўпраўлення ў фонд бібліятэкі акадэміі. У сховішчах захоўваюцца кнігі XVII–XIX стст. У фондзе прадстаўлены навуковыя і навукова-папулярныя выданні па розных галінах навукі і рэлігіі, перыядычныя выданні, энцыклапедычная і навучальная літаратура, багаслоўскія даследаванні, тварэнні святых айцоў, мастацкая літаратура, выданні на старажытных і сучасных замежных мовах.

Навіны

9 Ліп 2020

Вядомы музыка, краяўзнаўца, пісьменнік Юры Несцярэнка дэбютаваў як дзіцячы аўтар: у мінскім выдавецтве “Каўчэг” выйшла яго кніга для малодшых школьнікаў на беларускай мове “Чароўныя назвы”.

Навіны бібліятэк

Па Мазырскім краі – віртуальна ў летні дзень

8 Ліп 2020

Краязнаўчы напрамак сваёй дзейнасці працягвае Мазырская цэнтральная раённая бібліятэка імя А. С. Пушкіна Гомельскай вобласці. Яна прадаставіла віртуальнай чытальнай зале Нацыянальнай бібліятэкі Беларусі адразу некалькі сваіх рэсурсаў пра край.

Бібліятэка анлайн

Інтэрв’ю з гендырэктарам Нацыянальнай бібліятэкі да Дня Незалежнасці

7 Ліп 2020

А вы ведалі, што Беларусь займае 10-е месца ў свеце па колькасці бібліятэк на мільён насельніцтва? Да Дня Незалежнасці здымачная група тэлеканала АНТ прыехала ў беларускі храм кнігі, каб сустрэцца з яго кіраўніком.

Навіны Нацыянальнай бібліятэкі Беларусі

7 Ліп 2020

7 ліпеня 1882 года ў вёсцы Вязынка, што паміж Мінскам і Маладзечна, нарадзіўся Янка Купала. Звычайны беларускі хлапец з танклявымі рысамі твару мог паўтарыць лёс свайго бацькі – дробнага шляхціца, які жыў з арэнды зямлі.

Навіны бібліятэк

Нацыянальная бібліятэка Беларусі на міжрэгіянальным круглым стале “Метадычная служба рэгіянальных бібліятэк у сучасных умовах”

7 Ліп 2020

Да 75-годдзя Вялікай Перамогі 3 ліпеня 2020 года ў Пензенскай абласной бібліятэцы імя М. Ю. Лермантава ў фармаце анлайн адбыўся XII Міжрэгіянальны круглы стол “Метадычная служба рэгіянальных бібліятэк у сучасных умовах”, удзел у якім Нацыянальная бібліятэка Беларусі прыняла ўпершыню.

Навіны Нацыянальнай бібліятэкі Беларусі

111