11 ліпеня ў бібліятэцы прайшло выніковае пасяджэнне журы Рэспубліканскага конкурсу “Бібліятэка – цэнтр духоўнай асветы і выхавання”.
Для ўдзелу ў конкурсе было накіравана больш за 90 работ ад бібліятэк устаноў адукацыі, прыналежных Міністэрству адукацыі Рэспублікі Беларусь, публічных бібліятэк Міністэрства культуры Рэспублікі Беларусь, бібліятэк Беларускай Праваслаўнай Царквы (БПЦ).
Лепшыя работы прынялі ўдзел у адборы на абласным і ведамасным узроўнях. Конкурсныя работы, якія занялі першыя і другія месцы сярод публічных бібліятэк Міністэрства культуры, бібліятэк устаноў адукацыі Міністэрства адукацыі і бібліятэк БПЦ былі прадстаўлены на суд кампетэнтнага журы рэспубліканскага этапа конкурсу. У выніку было намінавана 29 конкурсных работ, 15 – вылучаны на заахвочванне.
У склад журы ўвайшлі: епіскап Барысаўскі і Мар’інагорскі Веніямін (старшыня журы), галоўны бібліятэкар навукова-даследчага аддзела бібліятэказнаўства Нацыянальнай бібліятэкі Беларусі В.А. Рынкевіч (сакратар журы), галоўны спецыяліст упраўлення агульнай і сярэдняй адукацыі Міністэрства адукацыі Рэспублікі Беларусь І.У. Булаўкіна, галоўны спецыяліст упраўлення ўстаноў культуры і народнай творчасці Міністэрства культуры Рэспублікі Беларусь С.У. Бацян, сакратар Выдавецкага савета Беларускай Праваслаўнай Царквы Т.А. Самайлюк, загадчыца Цэнтральнай бібліятэкай Беларускага Экзархата С.Ф. Вінаградава і член Савета па бібліятэчнай дзейнасці пры Сінадальным аддзеле рэлігійнай адукацыі і катэхізацыі БПЦ Т.А. Квасава.
У ходзе пасяджэння рэспублiканскага журы былі вызначаны пераможцы ў чатырох намінацыях. Пасля зацвярджэння пратакола пасяджэння журы Мітрапалітам Мінскім і Заслаўскім Паўлам, Патрыяршым Экзархам усяе Беларусі, інфармацыя пра пераможцаў будзе выстаўлена на афіцыйным сайце Беларускай Праваслаўнай Царквы, Нацыянальнай бібліятэкі Беларусі, Сінадальнага аддзела рэлігійнай адукацыі і катэхізацыі БПЦ і сайце “Праваслаўныя бібліятэкі Беларусі”.
 |
 |
 |
 |
 |
 |
 |
 |
 |
