ГалоўнаяНавіныНавіны Нацыянальнай бібліятэкі Беларусі
Мой чытацкі спіс: навошта ім дзяліцца і ў чым наогул сэнс
Да юбілею беларускага мастака

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага
Іншыя навіны

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Арганізатары – Міністэрства культуры Рэспублікі Беларусь, Міністэрства культуры Расійскай Федэрацыі, Нацыянальная бібліятэка Беларусі, Дзяржаўны музей гісторыі расійскай літаратуры імя У.І. Даля.

На мерапрыемстве выступілі генеральны дырэктар Нацыянальнай бібліятэкі Беларусі Аксана Кніжнікава, дырэктар дэпартамента музеяў і знешніх сувязей Міністэрства культуры Расійскай Федэрацыі Аляксандр Варанкоў, дырэктар Дзяржаўнага музея гісторыі расійскай літаратуры імя У.І. Даля Дзмітрый Бак.

Удзельнікі пленарнага пасяджэння прадставілі свае даклады і абмеркавалі творчасць Ф.М. Дастаеўскага ў культуры сучасных Беларусі і Расіі, узнялі пытанні аб вывучэнні, захаванні і папулярызацыі творчай спадчыны ў нацыянальным кантэксце. Ад Нацыянальнай бібліятэкі Беларусі выступіў намеснік генеральнага дырэктара кандыдат культуралогіі Аляксандр Суша.

У рамках выставачна-асветніцкага мерапрыемства адбылося і адкрыццё выставы “Пецярбург Дастаеўскага”. Экспазіцыя складаецца з дзвюх вялікіх калекцый фатаграфій Віктара Малчанава і Леаніда Цыпкіна. Іх творчасць ілюструе Пецярбург ХХ стагоддзя – з яго ўнікальнай архітэктурай, дамамі, свабоднымі ад сучасных шыльд, а таксама прахожымі, знешні выгляд якіх стаў для нас незвычайным. Менавіта ў гэтым горадзе захавалася больш за ўсё мемарыяльных месцаў, звязаных з Дастаеўскім: тут разгортваецца дзеянне трох з пяці раманаў “вялікага пяцікніжжа” і значнай часткі малой прозы. Цэласны, панарамны вобраз горада Дастаеўскага і герояў яго твораў складаецца дзякуючы фотаматэрыялам са збору Дзяржаўнага музея гісторыі расійскай літаратуры імя У.І. Даля.

Фотавыстава – спроба максімальна наблізіцца да адчування горада маладосці Дастаеўскага і яго творчага станаўлення, горада яго катастрофы і вяртання, смерці і неўміручасці. Прайсціся па ўсіх захаваных пецярбургскіх адрасах пісьменніка і самых вядомых маршрутах яго герояў можна будзе на працягу двух тыдняў (з 27 ліпеня па 8 жніўня 2021 г.).

Экспазіцыя даступна да прагляду ў кальцавым калідоры 3-га паверха.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Навіны

Экскурсіі ў Дзень народнага адзінства

17 Вер 2021

17 верасня ў Нацыянальную бібліятэку Беларусі на экскурсіі цыкла “Славутыя імёны Бацькаўшчыны” завіталі навучэнцы Мінскага гарадскога кадэцкага вучылішча і сярэдняй школы № 225 г. Мінска. Для іх былі праведзены экскурсіі па творчасці Францыска Скарыны і Уладзіміра Караткевіча.

Навіны Нацыянальнай бібліятэкі Беларусі

Бібліятэкарам