ГалоўнаяНавіныНавіны Нацыянальнай бібліятэкі Беларусі
Класiка пачалася ў Глiнiшчах
Тэставы доступ да ЭБС “Айбукс”

Як правесці дзень усіх закаханых... у бібліятэцы?

Як правесці дзень усіх закаханых... у бібліятэцы?
Іншыя навіны

Запрашаем тых, хто знайшоў сваю палавінку, а таксама тых, хто яшчэ ў пошуках, правесці самы рамантычны дзень у годзе – у Атрыум 2-га паверха Нацыянальнай бібліятэкі Беларусі.

У інтэрактыўнай зоне “Машына часу” з 12.00 да 16.30 вы можаце паглядзець мастацкія карціны 40–60 гадоў з фондаў Нацыянальнай бібліятэкі – на выбар 3 фільмы.

Для творчых асоб прапануем размаляваць мандалы на любоўную тэматыку, а таксама сабраць мазаіку-прадказанне. Арт-зона “Любоўны рэлакс” працуе з 11.00 да 17.30.

Для актыўных гасцей мы падрыхтавалі займальны рамантычны квіз у зоне “Вялікія гісторыі кахання”. Пачатак у 11.30, 13.00 і 15.00.

І не забудзьцеся зрабіць здымак на памяць! Фотазона “Каханне ад непагадзі” пацешыць вас прыгожымі гірляндамі і шарамі, а музычнае суправаджэнне настроіць на адну хвалю з вашай другой паловай.

Уваход на мерапрыемства – па чытацкім білеце або па білеце сацыякультурнага цэнтра.

Калі раптам вы адчуеце, што ўжо гатовы ўзняцца ў хмары ад шчасця, прапануем падняцца на аглядную пляцоўку бібліятэкі, дзе вы зможаце палюбавацца выдатным відам на горад і зрабіць здымкі ў тэматычнай фотазоне. Уваход на аглядную пляцоўку з вуліцы па паказальніках. Кошт указаны ў прэйскуранце.

Між іншым, 14 лютага – Міжнародны дзень дарэння кніг. Магчыма, гэтыя святы супалі невыпадкова, бо гэта таксама любоў. Толькі да кніг. Прыняць удзел у буккросінгу можна ў дакантрольнай зоне.

Тэлефон для даведак: (8 017) 266 37 37, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Навіны

3 Кра 2020

1 красавіка ў кнігарні «Дом кнігі «Светач» (г. Мінск, пр-т Пераможцаў, 11) адбылася імпрэза «Кніжны свет Беларусі: Гродзеншчына», на якой расказалі аб лепшых, найболей адметных кнігах, звязаных з Гродна і яго ваколіцамі.

Навіны бібліятэк

Разам – мы пераможам!

3 Кра 2020

2 красавіка па ініцыятыве Міністэрства замежных спраў Рэспублікі Беларусь на вонкавым электронным светлавым табло Нацыянальнай бібліятэкі Беларусі запушчана акцыя падтрымкі і салідарнасці нашай краіны з дзяржавамі, якія на сённяшні дзень найбольш пакутуюць ад заражэння COVID-19.

Навіны Нацыянальнай бібліятэкі Беларусі

4 красавіка 1945 года. 36 дзён да Перамогі

4 Кра 2020

Узяцце Браціславы. Завяршэнне Усходне-Памяранскай наступальнай аперацыі. Поўнае вызваленне Венгрыі. Галоўнае заданне калгасаў краіны. Дапамога бясконным гаспадаркам. Падрыхтоўка да школьных экзаменаў. Газеты: “Советская Белоруссия” (№№ 60, 61), “Звязда” (№ 61), “Большэвiцкая трыбуна” Барысаўскага раёна (№ 35), “Искра” Валожынскага раёна (№ 20).<br>

Праект “100 дзён да Вялікай Перамогі. Па старонках беларускіх газет 1945 г.”

3 красавіка 1945 года. 37 дзён да Перамогі

3 Кра 2020

Вызваленне Крэмніцы. Узяцце саюзнымі войскамі гарадоў Мюнстэр і Карлсруэ. Пачатак палявых работ. Абавязацельствы трактарыстаў. Газеты: “Звязда” (№ 61), “Большэвік Палесся” Палескай (цяпер ліквідаванай) вобласці (№ 32).

Праект “100 дзён да Вялікай Перамогі. Па старонках беларускіх газет 1945 г.”

2 Кра 2020

На вядомых нам партрэтах народнага паэта Беларусі Якуба Коласа, тых партрэтах, якія мы прывыклі бачыць у падручніках і кнігах, пісьменнік звычайна паказаны сталым і сур’ёзным, такім, якім і сапраўды павінен выглядаць класік беларускай літаратуры. Хацелася б паказаць Коласа зусім іншым – незвычайным і нечаканым, жартаўлівым, смешным і па-сяброўску іранічным.

Навіны бібліятэк

4 Кра 2020

Для ўсiх аматараў музыкi, гiсторыi беларускай лiтаратуры i культуры выдавецтва «Беларуская Энцыклапедыя iмя Петруся Броўкi» выпусцiла новую кнiгу «Лiбрэта опер Станiслава Манюшкi». У ёй сабраныя сем перакладаў лiбрэта опер Манюшкi на беларускую мову, большасць з якiх выдаецца ўпершыню. Кнiга таксама знаёмiць чытача з кароткiмi нарысамi жыцця чатырох лiбрэтыстаў, расказвае падрабязнасцi з гiсторыi беларускiх пастановак опер, змяшчае афiшы iх прэм'ер i ўнiкальныя фотаздымкi. На прэзентацыi выдання дэманстравалi архiўныя фота- i вiдэакадры, а таксама фрагменты опер Станiслава Манюшкi.

Навіны бібліятэк

111