У рамках святкавання 100-годдзя беларускай міліцыі навучэнцы Мінскага сувораўскага ваеннага вучылішча, кадэцкіх вучылішч, спецыялізаваных ліцэяў наведалі з экскурсіяй Нацыянальную бібліятэку Беларусі.
Будучыя абаронцы Радзімы пазнаёміліся з галоўнымі славутасцямі будынка, загадалі жаданне каля гранітнага фантана, страявым крокам прайшліся па шкляной падлозе, даведаліся пра незвычайную сістэму дастаўкі літаратуры ў бібліятэцы.
У музеі кнігі разам з экскурсаводам маладыя людзі ўзгадалі яшчэ пра адзін юбілей – 500-годдзе беларускага кнігадрукавання, убачылі арыгіналы выданняў Францыска Скарыны і іншыя рарытэты з фондаў бібліятэкі. А ў канцы экскурсіі палюбаваліся панарамай вячэрняга горада з вышыні птушынага палёту.
І, канечне, сфатаграфаваліся ўнутры самага вялікага дыямента нашай краіны – “дыямента ведаў”.
 |
 |
 |
 |
 |
 |
