ГалоўнаяНавіныНавіны Нацыянальнай бібліятэкі Беларусі
Запаветная прырода і яе насельнікі ў новай фотавыстаўцы бібліятэкі (+відэа)
Музыка ў нашых сэрцах

З Міжнародным днём музыкі!

З Міжнародным днём музыкі!
Іншыя навіны

У Міжнародны дзень музыкі прадстаўляем новы анлайн-рэсурс “Рукапісы сучасных беларускіх аўтараў з фондаў Нацыянальнай бібліятэкі Беларусі”.

Сёння ўвазе карыстальнікаў прадстаўлена каля 300 твораў беларускіх паэтаў і кампазітараў, якія заключылі аўтарскія дагаворы з бібліятэкай. Сярод аўтараў як вядомыя паэты і кампазітары, якія набылі заслужаны аўтарытэт у краіне і за мяжой, такія як Ігар Лучанок, Дзмітрый Смольскі, Андрэй Мдзівані і інш., так і зусім маладыя таленавітыя прадстаўнікі музычнага мастацтва, такія як Вячаслаў Пяцько, Мікіта Бельцюкоў, Аляксей Пілатаў і інш. Рэсурс змяшчае ноты розных па жанрах і тэматыцы музычных твораў, а таксама тэксты да песень. Тут народныя танцы і песні, оперы і мюзіклы, сімфоніі і сюіты, рамансы і рэп, патрыятычныя песні і калыханкі, духоўная музыка і многае іншае.

Асаблівае месца ў рэсурсе займаюць музычныя творы на вершы класікаў беларускай літаратуры: “Пахне чабор” П. Броўкі; “Восень”, “Родныя вобразы”, “Гэй вы, коні” Я. Коласа; “Ехаў князь” Я. Купалы; “Сінявокая ноч” М. Багдановіча; “Я сумую па Радзіме”, “Агеньчык”, “О, мой цудоўны край” У. Караткевіча; “Край залаты” Р. Барадуліна; “Ля светлафора” Г. Бураўкіна; “Да Нёмана” А. Міцкевіча і іншыя.

Кожны дакумент, прадстаўлены ў анлайн-рэсурсе “Рукапісы сучасных беларускіх аўтараў з фондаў Нацыянальнай бібліятэкі Беларусі”, мае апісанне, у якое ўключаны звесткі пра аўтара, год стварэння, мову, прадметную галіну, від і жанр музычнага твора.

Дакументы можна гартаць паслядоўна ці адсартаваць па загалоўку, аўтару або годзе стварэння твора.

Для зручнасці карыстальнікаў масіў дакументаў дыферэнцыраваны па змесце і ў выніку выдзелены дзве калекцыі – “Ноты” і “Тэкст песень”.

Акрамя таго, у рэсурсе прадугледжана магчымасць ажыццяўлення шматаспектнага пошуку неабходных дакументаў па назве, аўтару, годзе стварэння, прадметнай рубрыцы і г.д.

У якасці пазнак для кожнага дакумента ўказаны назвы музычных інструментаў, якія выкарыстоўваюцца пры выкананні твора. Таму рэсурс можа служыць добрай дапамогай пры навучанні ігры на тым ці іншым інструменце. Выкарыстоўваючы функцыю прагляду па пазнаках, можна выбраць неабходны музычны інструмент і лёгка адабраць музычныя творы, дзе ён выкарыстоўваецца.

Плануецца, што да канца 2020 года анлайн-рэсурс “Рукапісы сучасных беларускіх аўтараў з фондаў Нацыянальнай бібліятэкі Беларусі” будзе налічваць больш за 600 твораў 98 аўтараў.

Рэсурс будзе карысны гісторыкам, музыказнаўцам, выкладчыкам і студэнтам музычных устаноў, навучэнцам музычных школ і ўсім, хто цікавіцца беларускай музыкай на сучасным этапе.

Матэрыял падрыхтаваны начальнікам цэнтра алічбоўкі і забеспячэння захаванасці бібліятэчных дакументаў Пшыбытка В.В.

Навіны

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

УДК і аўтарытэтныя запісы ў адлюстраванні краязнаўчага і краіназнаўчага кантэнту

29 Кас 2020

У рамках VII Міжнароднага кангрэса “Бібліятэка як феномен культуры” прайшоў метадычны семінар “Нацыянальныя аб’екты ў каталогах і базах даных бібліятэк Беларусі: методыка прымянення УДК і аўтарытэтных запісаў”.

Навіны Нацыянальнай бібліятэкі Беларусі

Усё не так, як у кнізе! Што не так з экранізацыямі і дзе ў бібліятэцы глядзець кіно

27 Кас 2020

У сучасным кінематографе ўсё менш арыгінальных сцэнарыяў, а экранізацый папулярных кніг – усё больш. Але на самой справе не ўсе з іх удалыя – прынамсі, на наш густ. Што ж не так з экранізацыямі? І чаму мы амаль заўсёды імі незадаволены? Працягнем гутарку пра мастацтва адаптацыі кніжных твораў!

Аўтарскі погляд

111