Нацыянальная бібліятэка Беларусі ў 2013 годзе плануе выпуск навукова-практычнага зборніка “Бібліятэчнае краязнаўства: тэрыторыя вялікіх магчымасцей і перспектыў”.
Дадзенае выданне будзе садзейнічаць абагульненню вопыту краязнаўчай работы бібліятэк, арганізацыі прафесійнага ўзаемадзеяння спецыялістаў гэтай галіны, выпрацоўцы навуковых падыходаў у рабоце з краязнаўчымі дакументамі, каардынацыі ў краязнаўчай дзейнасці бібліятэк, грамадскіх бібліятэчных арганізацый, рэгіянальных інфармацыйных цэнтраў.
Запрашаем да супрацоўніцтва спецыялістаў, якія актыўна займаюцца краязнаўствам і рэгіянальнай бібліяграфіяй; выкладчыкаў, аспірантаў, магістрантаў, студэнтаў; прадстаўнікоў замежных бібліятэк, што ўдзельнічаюць у краязнаўчай рабоце.
Да публікацыі ў зборніку прымаюцца артыкулы навуковага і навукова-метадычнага характару. Рукапісы артыкулаў прымаюцца ў электронным выглядзе на адрас lihimovich@nlb.by.
Аб’ём разам з рэзюмэ, малюнкамі, здымкамі і да т.п. – да 10 старонак тэксту фармату А4, Times New Roman, 14 кегль, паўтарачны міжрадковы інтэрвал, тып файла rtf Microsoft Word. Мовы артыкулаў – беларуская, руская. Спіс выкарыстаных крыніц размяшчаецца ў канцы тэксту, спасылкі нумаруюцца паводле парадку цытавання, у тэксце артыкула парадкавыя нумары спасылак паказваюцца ўсярэдзіне квадратных дужак (напрыклад: [1], [2]). Ілюстрацыі падаюцца ў электронным выглядзе ў файлах фарматаў tiff, jpeg, gif, bmp, png з разрашэннем экрана 300 dpi.
Матэрыялы для публікацыі ў зборніку накіроўваюцца да 1 мая 2013 года. Будуць разгледжаны ўсе прапановы. Пра ўключэнне або адхіленне іх ад публікацыі аўтары апавяшчаюцца ў абавязковым парадку.
Каардынатар:
Ліхімовіч Вольга Уладзіміраўна, загадчыца навукова-даследчага аддзела бібліяграфіі.
Тэлефон: (8 017) 293 28 26.
E-mail: lihimovich@nlb.by
