24 мая з 14.00 да 17.00 у холе бібліятэкі пройдзе інфармацыйна-адукацыйная акцыя па прафілактыцы хвароб сістэмы кровазвароту “Здаровае сэрца – доўгае жыццё!”
Арганізатары мерапрыемства – Цэнтр гігіены і эпідэміялогіі Першамайскага раёна г. Мінска сумесна з 19-й цэнтральнай раённай паліклінікай і 8-й гарадской паліклінікай.
Прыняць удзел у акцыі могуць усе жадаючыя. Спецыялісты правядуць вымярэнне артэрыяльнага ціску і індывідуальныя кансультацыі па пытаннях прафілактыкі хвароб сістэмы кровазвароту. Таксама арганізатарамі акцыі плануецца паказ відэаролікаў па тэматыцы здаровага ладу жыцця і раздача інфармацыйна-адукацыйных матэрыялаў: памятак, буклетаў, дзённікаў артэрыяльнага ціску.
Мэта мерапрыемства – павышэнне інфармацыйнай адукаванасці насельніцтва па пытаннях прафілактыкі хвароб сістэмы кровазвароту; фарміраванне навыкаў кантролю артэрыяльнага ціску, прапаганда здаровага ладу жыцця. Слоган мерапрыемства: “Кантралюем ціск – падаўжаем жыццё!”
