5 красавіка ў дзіцячым пакоі прайшло літаратурнае чытанне для малодшых школьнікаў, прысвечанае знаёмству з дзіцячым перыядычным выданнем “Паласатая газета”.
Мерапрыемства з удзелам аўтара праекта і галоўнага рэдактара дзіцячага выдання Ганны Граноўскай прайшло ў вясёлай гульнёвай форме.
Вучні адкрылі для сябе дзіўны свет часопіса: пазнаёміліся з яго рубрыкамі, пачыталі разам цікавыя артыкулы, разыгралі розныя сітуацыі і навучыліся правільна сябе ў іх паводзіць, а таксама паўдзельнічалі ў займальных конкурсах.
На памяць аб цікавай сустрэчы кожны з удзельнікаў атрымаў у якасці падарунка часопіс, каляндарыкі і размалёўкі з галоўным героем выдання – паласатай зебрачкай.