22–23 мая ў рамках ХIX Міжнародных Кірыла-Мяфодзіеўскіх чытанняў адбудзецца штогадовая навукова-практычная канферэнцыя “Духоўнае адраджэнне грамадства і праваслаўная кніга”.
Тэма канферэнцыі 2013 г. “Кірыла-мяфодзіеўская традыцыя ў духоўнай культуры Беларусі” прысвечана 1150-годдзю з часу стварэння святымі роўнаапостальнымі Кірылам і Мяфодзіем славянскай азбукі.
Арганізатарамі канферэнцыі з’яўляюцца Міністэрства культуры Рэспублікі Беларусь, Беларускі дзяржаўны ўніверсітэт культуры і мастацтваў, Міністэрства адукацыі Рэспублікі Беларусь, Беларускі экзархат Рускай праваслаўнай царквы, Інстытут тэалогіі імя святых Мяфодзія і Кірылы Беларускага дзяржаўнага ўніверсітэта, міжнароднае грамадскае аб’яднанне “Хрысціянскі адукацыйны цэнтр імя свв. Мяфодзія і Кірылы”.
Да ўдзелу ў канферэнцыі запрашаюцца прадстаўнікі бібліятэк усіх міністэрстваў і ведамстваў.
