У выніку краязнаўчай дзейнасці супрацоўнікамі Магілёўскай абласной бібліятэкі імя У.І. Леніна і бібліятэк Магілёўскай вобласці створаны шэраг тэматычных інфармацыйных рэсурсаў.
Поўнатэкставая база даных "Мой край – Магілёўшчына" змяшчае інфармацыю па гісторыі, культуры, прамысловасці, сельскай і іншым гаспадаркам горада Магілёва і Магілёўскай вобласці з часоў заснавання і да сённяшняга дня. Матэрыялы сабраны і падрыхтаваны супрацоўнікамі цэнтральных бібліятэк раённых цэнтраў Магілёўскай вобласці. Па меры паступлення новай інфармацыі раздзелы сайта дапаўняюцца звесткамі пра славутых і знакамітых людзей, размяшчаюцца новыя матэрыялы па адукацыі, культуры, прамысловасці раёнаў краю.
Калектывам бібліятэкі распрацавана ўласная сістэма бібліяграфічных паказальнікаў па краязнаўстве, якія ствараліся на працягу некалькіх дзесяцігоддзяў, з мэтай садзейнічання фарміраванню дакументальнага інфармацыйнага банка даных пра вобласць. Сістэма паказальнікаў складаецца з бягучага ўніверсальнага навукова-дапаможнага паказальніка "Новая літаратура аб Магілёўскай вобласці", а таксама рэкамендацыйных і навуковых дапаможнікаў:
- Археалагічныя помнікі Магілёўшчыны
- Асветнікі Магілёўшчыны
- Ахова здароўя
- Библиотека в печати
- Вуліцы горада расказваюць...
- Выпускнікі і навучэнцы Магілёўскай мужчынскай гімназіі (1809–1999)
- Выпускнікі і навучэнцы Магілёўскай мужчынскай гімназіі (1809–2009)
- Географы і геолагі – ураджэнцы Магілёўскай вобласці
- Гісторыя вёсак Магілёўшчыны
- Даследчыкі роднага краю: краязнаўцы і гісторыкі – ураджэнцы Магілёўшчыны
- Каляндар знамянальных і памятных дат па Магілёўскай вобласці на 2015 год
- Каляндар знамянальных і памятных дат па Магілёўскай вобласці на 2014 год
- Каляндар знамянальных і памятных дат па Магілёўскай вобласці на 2011 год
- Каляндар знамянальных і памятных дат па Магілёўскай вобласці на 2009 год
- Краеведческие раритеты Могилёвщины
- Магілёўшчына ў складзе Вялікага Княства Літоўскага
- Магілёўшчына ў творах мастацтва і мастацкай літаратуры
- Мовазнаўцы Магілёўшчыны
- Музеі Магілёва
- Народная асвета Магілёўшчыны
- Новая літаратура аб Магілёўскай вобласці. 2010 год
- Новая літаратура аб Магілёўскай вобласці
- Новая літаратура па культуры і мастацтву Беларусі
- Они освобождали Могилёвщину. Герои Советского Союза, принимавшие участие в освобождении Могилёвской области от немецко-фашистских захватчиков (1943–1944)
- Пісьменнікі Магілёўшчыны
- Прадпрымальнасць як фактар стварэння новага аблічча беларускай эканомікі
- Прырода роднага краю
- Пясняр свайго часу
- Санитарно-противоэпидемиологическая служба в г. Могилёве. История и развитие (1899–1981)
- Сводный каталог литературы о Могилёвской губернии
- Сістэматычны паказальнік неапублікаваных дакументаў па культуры і мастацтву
- Слова стала сэнсам яго жыцця
- Указатель исторических материалов из "Могилёвских губернских ведомостей"
- Хроніка культурнага жыцця Магілёўскай вобласці
- Філіповіч Іеранім Іосіфавіч
- Янка Купала, Якуб Колас і Магілёўшчына
З мэтай узнаўлення і захавання гісторыі кіраўніцтвам бібліятэкі было прынята рашэнне па стварэнні музейнага пакоя гісторыі кнігі і бібліятэкі. Музейны пакой з’яўляецца комплексным інфармацыйна-культурным цэнтрам, займае асобнае памяшкане, у якім сабраны і сістэматызаваны дакументныя фонды, дапоўненыя музейнымі экспанатамі, прадстаўленымі ў выглядзе тэматычных блокаў.
На сайце ўстановы арганізаваны віртуальныя выстаўкі "Возвращенное наследие", "Могилёвская губерния на страницах печатных изданий", "Могилёвская битва 1941 года: хроника мужества", "Янка Купала і Якуб Колас у творчасці пісьменнікаў Магілёўшчыны", "Ганаровыя грамадзяне горада Магілёва".
Асноўная мэта праекта “Чарнобыль Быль... Боль...” – даць уяўленне пра аварыю на Чарнобыльскай АЭС, яе выніках і маштабах для Магілёўскага краю, пра ліквідатараў аварыі – ураджэнцаў Магілёўшчыны, пра намаганні дзяржавы па пераадоленні наступстваў катастрофы.
Спецыялісты бібліятэкі актыўна супрацоўнічаюць з краязнаўчымі арганізацыямі горада, музеямі, архівамі, аказваюць метадычную і практычную дапамогу супрацоўнікам бібліятэчных сістэм вобласці па пытаннях краязнаўчай дзейнасці, бяруць удзел у навукова-практычных канферэнцыях, такіх як міжнародны навукова-практычны семінар "Бібліятэчнае краязнаўства: тэрыторыя вялікіх магчымасцей і перспектыў", ІV Міжнародная навукова-практычная канферэнцыя "Бібліятэка і грамадства: гісторыя, рэальнасць, перспектывы ўзаемадзеяння", канферэнцыя "Мастацкі свет Я. Купалы і Я. Коласа" і інш.
З мэтай прапаганды гісторыка-культурнай спадчыны Магілёўшчыны ў сродках масавай інфармацыі калектывам бібліятэкі праводзіцца значная інфармацыйная работа: выступленне на радыё і тэлебачанні з інфармацыяй краязнаўчага характару, публікацыі краязнаўчай тэматыкі ў рэспубліканскім і мясцовым друку.
Чытайце таксама: