ГалоўнаяНавіныНавіны бібліятэк
Веліч Цярплівасці: зборнік апавяданняў “Пялёсткі” Уладзіміра Дубоўкі
Беларускія кнігі ў дар Цэнтру беларускай культуры ў Даўгаўпілсе

На хвалях свята

На хвалях свята
Іншыя навіны

Літаратурны музей Петруся Броўкі святкуе 40-гадовы юбілей.

Лiтаратурны музей Петруся Броўкi размяшчаецца ў былой кватэры народнага паэта Беларусі. Яна знаходзіцца ў самым цэнтры сталіцы – на вуліцы Карла Маркса, 30. Цікава, што ў гэтай кватэры павінен быў жыць Аркадзь Куляшоў, але ў апошні момант адмовіўся ад прапановы, і жыллё перайшло Петрусю Броўку. Тут ён жыў з 1951 года аж да апошніх дзён. Паэта не стала 24 сакавіка 1980-га, а 10 ліпеня таго ж года ў кватэры быў адкрыты музей. Сёння ў яго фондах захоўваецца больш за 25 тысяч экспанатаў. Ёсць і вельмі ўнікальныя рэчы. Загадчык філіяла ДУ “Літаратурны музей Петруся Броўкі” Наталля Мізон расказвае:

– Адзін з самых цікавых экспанатаў – тэлевізар, зроблены ў 1955 годзе. Петрусю Броўку яго падарыў Саюз пісьменнікаў да 50-гадовага юбілею. Гэту рэч знайшлі на дачы паэта ў Ждановічах у 2017-м.

Brouka.jpg

Прыцягваюць увагу наведвальнікаў рэчы, прывезеныя са згарэлага дома пісьменніка на Ушаччыне. На жаль, пасля пажару засталіся толькі манішка і тканы рукамі маці пояс. Гэтыя экспанаты пераносяць наведвальнікаў музея ў бесклапотнае дзяцінства славутага пісьменніка. Шмат прадстаўлена ў экспазіцыі чамаданаў Петруся Броўкі. Вядома, што паэт вельмі любіў падарожнічаць і наведаў больш за 30 краін свету. У той жа час Броўка быў вельмі гасцінным. Шмат людзей пабывала ў яго доме. Часта заходзіў да паэта і Пётр Машэраў. У кватэры пісьменніка быў тэлефон, які звязваў яго з Домам Урада.

На жаль, юбілей Лiтаратурнага музея Петруся Броўкi з-за пандэміі не атрымаецца адсвяткаваць масава. Але яго супрацоўнікі знайшлі спосаб як – скарыстаўшы магчымасці новых тэхналогій. Запусцілі віртуальны праект, дзякуючы якому людзі з розных краін могуць прачытаць верш Броўкі на роднай мове, размясцілі ў сацыяльных сетках інфармацыю пра дзейнасць музея, яго супрацоўнікоў, творчасць пісьменніка. А восенню плануецца правесці канферэнцыю, прысвечаную Петрусю Броўку.

Крыніца: СБ – Беларусь сегодня

Навіны

Беларускі фальклор і “Век людзей”

13 Жні 2020

З красавіка 2019 года ў літаратурным часопісе “Маладосць” друкуецца фэнтэзійны раман “Век людзей” супрацоўніцы аддзела суправаджэння інтэрнэт-партала НББ Маргарыты Латышкевіч.
Ці варта сёння пісаць фантастыку і дзе карані “Века”? Аўтарка, якая вядзе на партале НББ чытацкі блог, распавяла пра свой вопыт напісання вялікай прозы.

Аўтарскі погляд

Супрацоўнік Нацыянальнай бібліятэкі ўзяў удзел у перадачы тэлеканала “Россия 1”

12 Жні 2020

Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.

Навіны Нацыянальнай бібліятэкі Беларусі

11 Жні 2020

Паступовыя змены ў жыцці грамадства пэўным чынам адбіваюцца і на перакананнях, на думках пісьменнікаў, асабліва тых, якія ствараюць на працягу некалькіх дзесяцігоддзяў. З Міколам Чарняўскім, празаікам, паэтам, публіцыстам, аўтарам шматлікіх твораў для дзяцей, паразмаўлялі пра бачанне мінулага і сучаснасці, а таксама пра спадзяванні ды будучыню.

Навіны бібліятэк

10 Жні 2020

Знакаміты беларускі навуковец Гаўрыла Гарэцкі нарадзіўся 10 красавіка 1900 года ў вёсцы Малая Багацькаўка Мсціслаўскага павета ў сям’і Івана і Еўфрасінні Гарэцкіх. У нашай гісторыі ён вядомы як геолаг, географ, эканаміст, адзін з заснавальнікаў і акадэмік Беларускай акадэміі навук, дырэктар Беларускага навукова-даследчага інстытуту сельскай і лясной гаспадаркі, заслужаны дзеяч навукі Беларусі. З яго сям’і выйшаў і вядомы беларускі пісьменнік Максім Гарэцкі – старэйшы брат Гаўрылы.

Навіны бібліятэк

111