“Любімы паэт” – менавіта такі загаловак Янка Купала даў водгуку да ўласнага перакладу “Меднага конніка” Аляксандра Пушкіна. Любімым паэтам – Аляксандру Пушкіну і Янку Купалу – прысвечаны літаратурна-музычны вечар у Мастацкім.
12 жніўня 2021 года ў 18.30 у рамках выставачнага праекта “Літаратурны пейзаж. Графіка з фондаў Дзяржаўнага мемарыяльнага гісторыка-літаратурнага і прыродна-ландшафтнага музея-запаведніка А.С. Пушкіна «Міхайлаўскае»” ў Нацыянальным мастацкім музеі Рэспублікі Беларусь адбудзецца літаратурна-музычны вечар “Любімы паэт”.
У праграме вечара:
- гутарка на тэму “Пушкін і Купала” ад Варуновай Галіны Юр’еўны (вучонага сакратара Дзяржаўнага літаратурнага музея Янкі Купалы), у ходзе якой госці даведаюцца аб тым, што звязвала творчасць двух класікаў літаратуры
- фрагмент твора “Медны коннік” у перакладзе Янкі Купалы ў выкананні Ігара Пятрова – акцёра тэатра і кіно, мастацкага кіраўніка Міжнароднага грамадскага аб’яднання “Тэатр”
- выбраныя творы А.С. Пушкіна, напісаныя ў Міхайлаўскім, у выкананні Андрэя Андрэевіча Душачкіна – заслужанага артыста Рэспублікі Беларусь, акцёра Нацыянальнага акадэмічнага драматычнага тэатра імя М. Горкага
- музычныя кампазіцыі на вершы Янкі Купалы ў выкананні Алесі Сівохінай – мастацкага кіраўніка народнага літаратурнага тэатра “Жывое слова”
- “адкрыты мікрафон” – магчымасць гасцей мерапрыемства выканаць вершы сваіх любімых паэтаў
Таксама ў дзень мерапрыемства экспазіцыю выставы дапоўняць скульптурныя і жывапісныя творы з фондаў Нацыянальнага мастацкага музея Рэспублікі Беларусь, прысвечаныя А.С. Пушкіну і Янку Купалу.
Наведванне мерапрыемства па ўваходным білеце ў музей.
Кошт білета – 8 руб. (дарослыя); 4 руб. (школьнікі і студэнты дзённай формы навучання).
Падрабязнасці і дадатковая інфармацыя па тэлефоне: (8 017) 397 01 63.
Крыніца: Нацыянальны мастацкі музей Рэспублікі Беларусь
