ГалоўнаяНавіныПартрэты: гісторыя бібліятэкі ў асобах
Выкладчыкі раяць: што чытаць, каб не забыць сваю англійскую, нямецкую і нават чэшскую мову
Бібліятэка як феномен культуры: выніковы дакумент кангрэса

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы
Іншыя навіны

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

У 1946 годзе сям’я Тамары вярнулася на пастаяннае месца жыхарства ў горад Мінск. Пасля заканчэння сярэдняй школы, дзяўчына паступіла ў Мінскі бібліятэчны тэхнікум імя А.С. Пушкіна. У 1958 годзе яе прынялі на працу ў Дзяржаўную бібліятэку БССР імя У.І. Леніна (цяпер – Нацыянальная бібліятэка Беларусі), дзе прайшла шлях ад памочніка бібліятэкара да загадчыка аддзела апрацоўкі і каталогаў. Сумяшчаючы працу і вучобу, у 1966 годзе Тамара Канстанцінаўна скончыла Мінскі дзяржаўны педагагічны інстытут імя А.М. Горкага па спецыяльнасці “бібіліятэказнаўства і бібліяграфія” (зараз – Беларускі дзяржаўны педагагічны ўніверсітэт імя Максіма Танка).

Усё сваё прафесійнае жыццё Т.К. Радзевіч аддала Нацыянальнай бібліятэцы Беларусі. У яе працоўнай кніжцы ў графе “Звесткі аб прыёме на працу” ўсяго адзін запіс: “Дзяржаўная бібліятэка БССР імя У.І. Леніна”.

Radzievich-2.jpg

На якіх бы ўчастках Тамара Канстанцінаўна ні працавала, усюды паказвала сябе як ініцыятыўны работнік і выдатны спецыяліст. Цудоўныя веды і назапашаны вопыт дазволілі ёй у 1974 годзе ўзначаліць сектар зводнага каталога беларускай кнігі. Сярод важных дасягненняў Т.К. Радзевіч – зводны друкаваны каталог “Кніга Беларусі (1517–1917)”. Яна падрыхтавала да друку першую і другую яго часткі, распрацавала інструкцыю па апісанні кніг, якая стала метадычным дапаможнікам для наступных пакаленняў бібліёграфаў і ў далейшым актыўна выкарыстоўвалася пры стварэнні электроннага каталога беларускай рэтраспекцыі, а таксама пры рэдагаванні генеральнага службовага алфавітнага каталога.

Radzievich-3.jpg

Тактоўнасць і добразычлівасць у спалучэнні з патрабавальнасцю, адказнасцю і скрупулёзнасцю – гэтыя і іншыя станоўчыя якасці Т.К. Радзевіч спрыялі таму, што з 24 сакавіка 1983 года яна была пераведзена на пасаду загадчыцы аддзела апрацоўкі і каталогаў. Выкарыстоўваючы ўвесь свой назапашаны вопыт і глыбокія веды бібліятэчнай дзейнасці, аддаючы ўсю сябе любімай справе, Т.К. Радзевіч высокапрафесійна ажыццяўляла рэдактарскую працу і кансультавала спецыялістаў усёй рэспублікі па пытаннях бібліяграфічнага апісання і вядзення каталогаў.

З удзячнасцю ўспамінаюць Тамару Канстанцінаўну яе калегі. Яна запомнілася ім прынцыповай, патрабавальнай да сябе і падначаленых супрацоўніцай, здольнай арганізаваць работу.

Т.К. Радзевіч карысталася вялікім аўтарытэтам і павагай у кіраўніцтва бібліятэкі. Пра гэта сведчыць і той факт, што ў 1982 годзе яна была рэкамендавана ў склад спецыяльнай турыстычнай групы Міністэрства культуры БССР для наведвання Чэхаславакіі.

Тамара Канстанцінаўна прапрацавала на пасадзе загадчыцы аддзела апрацоўкі і каталогаў больш за 13 год. З 1996 года, дасягнуўшы пенсійнага ўзросту, яна працягнула свой прафесійны шлях у гэтым жа структурным падраздзяленні на пасадзе бібліятэкара.

Т.К. Радзевіч вяла вялікую грамадскую працу: неаднаразова абіралася членам мясцовага камітэта, народным засядацелем, старшынёй таварыства кнігалюбаў, членам каталожнай камісіі і г.д.

Radzievich-4.jpg

Прафесіяналізм і творчыя заслугі Тамары Канстанцінаўны не засталіся незаўважанымі: яна мае шэраг падзяк ад бібліятэкі, у 1997 годзе была ўзнагароджана Ганаровым знакам Міністэрства культуры Рэспублікі Беларусь.

3 верасня 2007 г. Т.К. Радзевіч пайшла на заслужаны адпачынак.

Radzievich-5.jpg

Калектыў Нацыянальнай бібліятэкі Беларусі ад усяго сэрца віншуе Тамару Канстанцінаўну з юбілеем і жадае моцнага здароўя, даўгалецця, бадзёрасці духу і невычэрпнай жыццёвай энергіі!

Матэрыял пададзены навукова-даследчым аддзелам бібліятэказнаўства.

Аб ветэранах і супрацоўніках Нацыянальнай бібліятэкі Беларусі чытайце ў рубрыцы навін “Партрэты: гісторыя бібліятэкі ў асобах”.
Навіны

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Бібліятэкарам
111